Ufumu wa Chiuta, Buku la Msambizgi

/ 1 9 9

UFUMU WA CHIUTA

Ufumu winu Wize! Vyakubazga pa makani gha Ufumu wa Chiuta (Mwakulutirizga)

Yesu wakuchiska: “3“Njiraninge pa chipata chifinyi. Pakuti chipata chakuya ku Gehena nchisani, ndipo nthowa yakhe nayo njipusu, rekani mbanandi awo ŵakwenda mwenemumo” (Mateyo 7.13-14). Ufumu wa Chiuta mbumoyo wakuzara (Yohane 10.10), kwene nthowa yakufikira ku umoyo ndi nthowa yifinyi ya chipulikano na kupulikira Yesu Khristu. Usane bakhristu bakukhumba kusanga Mtende wa Ufumu wa Chiuta, bakwenera kusambira kukhara kwakuyana na khumbiro la Chiuta.

Upharazgi na Chisambizgo cha Yesu Chisambizgo mwaufupi, Vic Gordon

1. C hakuzirwa chomene mu umoyo ntchakuba musambiri wa Yesu Khristu. Pakuchita ntheura, tikwenera kusambira kufuma kwa iyo na kupulikira ivyo wakusambizga. Wakwenera kuba musambizgi na Fumu yithu (Mateyo 7.24 27; 11.29; 28.18-20; Yohane 13.13). 2. N tchakumanyamanya kuti tingamurondezga Yesu chara usange tikuleka kumanya ivyo wakasambizganga. Chikuru chomene pakusambizga kwake na upharazgi wake chikaba Ufumu wa Chiuta. Bakhristu banandi bakumanya chara, kwene bakumuchema kuti ndi Fumu na Msambizgi wawo. 3. K weni tikusangika na suzgo likuru chomene. Apo tamanya mutu ukuru wa chisambizgo chake, mbwenu tikutondekaso kuwupulikiska. Ufumu chikung’anamurika mwakupambana pakati pa mafuko gha banthu ghakupambanapambana. Ku banji ufumu chikung’anamura muwuso mwenemumo Fumu yikuwusa. Kubanji chikung’anamura wupu wa banthu awo bakusangika mumuwuso wa ufumu. Kubanji ndi wupu wa banthu uwo ukuwusika na Fumu iyo yili na mazaz pa iwo. Ku banji chikung’anamura maro agho Fumu yikuwusamo. Kwene mu Baibulo chikung’anamura kuwusa panji kub na mazaza. Ufumu wa Chiuta chikung’anamura kuwusa kwa Chiuta panji mazaza gha Chiuta. Ufumu wa Chiuta kuti ndi maro chara kwene kwene kuwusa kwa Chiuta na mazaza ghake pa chili chose. Chikung’anamura vinthu ivyo Chiuta wakuchita pakurongora mazaza na nkhongono zake. 4. U lato na mlimo wa Yesu Khristu muvirimika vitatu ivyo wakakhalira mucharu mpaka apo wakafwira na chiuka chake ukaba wakupharazga na kusambizga, kuthandazga ufumu wa Chiuta (Mariko 1.14ff; Mateyo 4.17, 23; 9.35; Luka 4.42ff; 8.1; 9.2, 6, 11; 10.1, 9; Milimo 1.3; 28.31).