Ufumu wa Chiuta, Buku la Msambizgi

2 0 6 /

UFUMU WA CHIUTA

NDONDOMEKO 23 Chisambizgo cha Mpingo Don L. Davis and Terry Cornett ©1996 World Impact Press

Mpingo ndi mbumba yakufumira mu wupu wa bapostole mwenemumo Mazgu gha Chiuta ghakusambizgika mwakufikapo

I. Mpingo ndi Mbumba ya ntchemo

A. Ching’anamuro cheneko cha Mpingo ndi Ekklesia : kung’anamura kuti bakuwuskikamo na ulato wakuchemeka wakuchemeka kukaba mbumba yipya ya Chiuta. 1. Nga ndi Mpingo wa ku Batesalonika, Mpingo ngwakuchemeka kufumira kukusopa vikozgo na kukamtebetera Chiuta wamoyo na kukulindizga kwiza kwa mwana wake, Yesu Khristu kufumira kuchanya. 2. Mpingo wuli kuwuskikamo mucharu nanga wuli uchali mucharu, na ulato wakuti wube wakhe wa Khristu (Baroma 1.6). Yesu pakuyowoya na za mpingo wakuwutya kuti “ekklesia ” lane ndiko kuti “ bakupaturika” awo ndi bake na bake (Mateyo 16.18; Bagalatiya 5.24; Yakhobe 2.7). 3. Vigaba vya ntchemo ya Chiuta: a. Lufura ndakuti ndi khumbiro la Chiuta kuponoska (Yohane 3.16, 1 Timoti 2.4). b. Uthenga ndi uthenga uweme wa Ufumu wa Chiuta (Mateyo 24.14). c. Bakupokelera uthenga uwu ndi banthu wose awo mbakugomezga (Yohane 3.15). d. Nthowa yakupokelera uthenga uwu nkhwizira mukupulikana na ndopa izo Khristu wakathiska Yesu Khristu na kuzomerezga kuti Yesu ndiyo ndi Fumu na Mthaski (Baroma 3.25; 10.9-10; Baefeso 2.8). e. Umaliro wake nkhusinthika na kubikika mu thupi la Yesu Khristu (2 Bakorinto 5.17; Baroma 12.4-5; Baefeso 3.6; 5.30).