Ufumu wa Chiuta, Buku la Msambizgi

/ 2 1 5

UFUMU WA CHIUTA

Chisambizgo cha Mpingo (Mwakulutirizga)

2. Mpingo wose ukumusopa Chiuta, wali yose wali na sumu yake, lizgu, na ukaboni nalurombo kwakuyana na vyawanangwa ivyo Chiuta wali kubapa (1 Bakorinto 14.26). 3. Mpingo ukusopa na wunthu wose, mahara na luso: a. Kujipereka kuthupi – kukwezga mawoko, kuvina, kusindama na nthowa zinandi b. Mukaghanaghaniro – kubikapo mtima kukhumba kupulikiska kabiro ka Chiuta na milimo yake. c. Luso – kwizira mukwimba na maluso ghanyake. d. Vikondwelero – Mpingo ukukondwelera pambere pa Chiuta (Zintharika 8.30-31) kukondwelera zuba la kupumura la “Sabata” kwizira muviphikiro, visangurusko, na marumbo 4. Mpingo ukusopa mwandondomeko mwapamoza pasopa Chiuta na kuphara makani ghake na banthu bake. a. Mpingo ukupharazga na kubikapo mtima pa nkhani ya Chiponosko ya Chiuta, mukabiro kake, na mukasopero kake. b. Mpingo nga mbanthu ba phangano lake bina Israyeli, ukulongora umoyo wa kwizira mukusopa, chikhondwelero cha monesko na ubapatizo ivyo vikulongora umoyo wa Chiuta na chiponosko chake (Marango gha Chibiri 16.3; Mateyo 28.19; Baroma 6.4; 1 Bakorinto. 11.23-26). c. Mpingo ukukumbukira chisopo na utebeti wa batuba bamunyengo zose, kusambira kufumira mu vinthu ivyo bali kujumphamo na Mzimu Mtuba (Marango gha Chibiri 32.7; Masalmo 77.10-12; 143.5; Yesaya 46.9; Baheberi 11). 5. Mpingo ukusopa mwa wanangwa: a. Mpingo ukujumpha mu kusangwa kwa nyengo na nyengo uko kukukuzga na kuthuwuska Chiuta apo banthu bakusanga kusangwa mwa Chiuta chipya chipya (Masalmo 33.3; 40.3; 96.1; 149.1; Yesaya 42.9-10; Luka 5.38; Uvumbuzi 5.9).