Ufumu wa Chiuta, Buku la Msambizgi

/ 2 2 1

UFUMU WA CHIUTA

Chisambizgo cha Mpingo (Mwakulutirizga)

VII. Mbumba ya bakuwezgekeramo

A. Mpingo ndi mbumba ya banthu awo bali kuwezgekeramo kwa Chiuta: kuwezgekeramo kuli kose kukufumira kwa Chiuta kwizira mumlimo wake wakuwezgeramo banthu kwa iyo. 1. Khumbiro la Chiuta pa kuwezgeramo banthu kwa iyo kukuwonekera mukutuma zintchimi ndipo mu mazuba ghaumaliro wakatuma mwana wake (Baheberi 1.1-2). 2. Kwiza kwa Yesu Khristu mucharu, umoyo wake, nyifwa yake, na chiuka cha Yesu Khristu ndivyo ndi mlimo wa kuwezgeramo banthu kwa Chiuta mwene (Baroma 5.8). 3. Uthenga uweme, sono ndiwo ndi uthenga wa kuwezgekeramo kwa banthu, vili kuchitika chifukwa cha nyifwa ya Yesu Khristu iyo ndi nthowa ya kwizira kwa Chiuta (2 Bakorinto 5.16-20). B. Mpingo ndi mbumba ya munthu wali yose na banthu awo bali kuwezgekera kwa Chiuta kweniso ku munthu na munthu munyake ndipo wose bakuzgoka thupi limoza mwa Yesu Khristu. 1. Kwizira mu nyifwa yake, Yesu wali kubika Pamoza banthu wose awo bakuchema pa zina lake ndipo bali kubabika na mbeu yimoza pera. Bali kuwezgekera kwa Chiuta ndipo ndi mbumba ya bahaliri ba Ufumu wa Chiuta (1 Yohane 3.9), kweniso ndi chilengiwa cha banthu chipya (Baefeso 2.11-22). 2. Mpingo ukuwona banthu wose bamumbumba ya Chiuta na chitemwa na urunji nanga wuli mbakupambana mtundu, kabiro, na midauko chifukwa wose bakukoleranako Pamoza chifukwa cha kutorapo lwande mukuba pamoza mu thupi la Yesu (Bagalatiya. 3.26-29; Bakolose 3.11). C. Mpingo ndi mbumba yeneiyo yikukhwaskika na kugumaniskika kwa banthu na Chiuta 1. Mpingo ukutebeta nga ndi nkharamba za Chiuta izo zikuchemera banthu wose kukugumaniskika na Chiuta (2 Bakorinto 5.19-20).