Ufumu wa Chiuta, Buku la Msambizgi

2 4 0 /

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

3.1 Kukoleranako kwa Umoza wa ubare uwu Mlimo wa Kutumika na kupanda mipingo na mlimo wa chitukuko munthowa ya chikhristu vikukoleranako pa mlimo wa kupharazga uthenga uweme, kuwoneska, na kukuzga kuwusa kwa Chiuta. Milimo yose yibiri yikuwukira muchanya pa fundo yakuti Chiuta wali kuphara khumbiro lake lakuwezgera charu kwa iyo mweneko kwizira mwa mwana wake Yesu Khristu. Nanga wuli chili chose pachekha chikwenelera pakuzgora khumbiro la Chiuta pa charu, kuti chikujiyimira pachekha chara kwene Pamoza. Vyose Pamoza, Mazgu na milimo ndi vigaba vyakwenelera ku mpingo na vyakugomezgeka ku Ufumu wa Chiuta. 3.2 kujiyimira pacheka na kukhwaskana Umoza wa Utebeti wa Kutumika na Chitukuko kuti ngupusu chara. Kukhwaskana kwawo kuli na vigaba vinandi. • Vikukhwaskana pa ulato umoza. Awo bali mu Mlimo wa kutumika panji awo bali mu mlimo wa chitukuko wakukhorwa chara mpaka kuwezgekera kwa banthu kwa Chiuta na kuwezgekera kwa ubare uwo ulipo pakati pa munthu na munthu munyake, banthu na banthu banyawo, mtundu na mtundu unyawo vyachitika. Tikugomezga kuti ichi chikupanga kuti wose bakutebeta mlimo wakutumika na bakutebeta mlimo wa chitukuko babike Khristu Yesu pakati pa utebeti wawo pakuti ndi mwa Khristu umo Chiuta wakuphemaniska charu kwa iyo mwene. Khristu ndiyo ndi Fumu. Ndi nyifwa yake iyo yikuphemaniska banthu kwa Chiuta na kuphemaniska banthu wose. Ndi mazaza gha ufumu wake na kusangika kwake uko kukuzomerezga Ufumu wake kuti unjire mumuwiro wasono na kubwangandura milimo ya kuchisi na kulenga vikaya ivyo vikuwusika na Chiuta pakwendera dango lake. • Milimo iyi yikujiyimiraso payekha padera pakuyimira pamoza Upharazgi wa Ivangeli na kupanda mipingo, nyengo zinyake vikuchitika kwambura milimo ya chitukuko. Kweniso, milimo ya Chitukuko yikuchitika kwambura Ivangeli. Chifukwa chakuti milimo yose yibiri yikuchitika pakuzomerezga utebeti wa Chiuta mucharu, vingachitika, usange yikuchitika makora, yingachitika kwambura kunyekezga pa mlimo unyakhe. Apo mlimo wuli wose ukujiyimira pawekha pa ukayimire wake, ntchintu chiweme chomene kuyibika Pamoza.

3. Ubare wa Ivangeli na Chitukuko