Ufumu wa Chiuta, Buku la Msambizgi

/ 2 4 3

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

4.1 Ulato Apo tikukoreska na kuzomerezga kwenelera kwa mlimo wakutumika uwu, kuba wakufumira kwa Chiuta, tikugomezgaso kuti mukati mwa mlimo uwu muli mlimo wakukuzga umoyo wa banthu. Mlimo wakukuzga umoyo wa banthu ukwenera kuba wakovwira kulutiska munthazi mlimo wakupharazga na kuthandazga Ivangeli mwakuti kupharazga, kwambiska mipingo yakwenedeskeka na bene charu, na kukuzga kwandana kwa basambiri ba Yesu, vikwenera kuchitika makora. Pachifukwa cha fundo iyi, tikugomezga kuti vinthu ivi ndi vyakwenelera chomene. Ulato wa wupu wa World Impact, chigaba cha mlimo wakuwuskira muchanya umoyo wa banthu nkhuvwira pa kupharazga uthenga wa Ivangeli, kovwira banthu kuba basambiri ba Yesu na kuvwira pa kwambiska mipingo, mwakwima pa fundo izo wupu uwu wuli kwimapo. Fundo izi zili mwantheura: • Kulongora chitemwa cha Khristu Banthu banandi awo mbakutindibizgikira pasi bakutondeka kumumanya makora Chiuta, nanga nkumanya makora chitemwa chake. Milimo ya kukuzga umoyo wa banthu yikuli na mwabi wakuthuwuska na kuperekera ukaboni pa chitemwa cha Yesu Khristu na umo wakukhumbira kuti Mtende, na urunji vilute mnthazi. Utebeti wose pamoza ungenda makora apo ukwenda pamoza. Mlimo wakukuzga umoyo wa banthu ungadangila munthazi apo utebeti wakupharazga Ivangeli ukwiza pamanyuma. Mlimo wakukuzga umoyo wa banthu ukudangira na ulato wakunozgekereska banthu kupokera uthenga wa chiponosko. • Kukhozga mipingo iyo yikwamba sono Mipingo iyo yikwamba sono, kanandi yikuba yikavu muvinandi chomene. Mlimo wakukuzga umoyo wa banthu ungamanya kukoleranako na baliska ba mipingo iyi pakupereka mwabi wakusanga vyakukhumbikwa na ndondomeko izo zingapereka mwabi wakulutiska munthazi kukura kwa mpingo. Mawupu agha ghangaperekaso mwabi wakukuzga umanyi pakati pa balongozgi na bakhristu mwakuti bamanye kufikira vikaya vyawo na Mazgu gha Chiuta. • Kunozga vyakurondezgapo vya uthenga uweme Mipingo iyo tiyambiskenge yingamanya kuchita makora usange yikuwona Milimo ya Chitukuko iyo yikulongora Khristu muchikaya chithu.

4. Mlimo wakukuzga Umoyo wa banthu mukati mu mlimo wakutumika