Ufumu wa Chiuta, Buku la Msambizgi

/ 2 4 7

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

• Malo gha ntchito ghakwenera kuba malo ghakupwelerera banthu Apo mawupu ghanandi ghakuwura umunthu pa kachitiro ka vinthu vyawo, mawupu gha chikhristu ghakwenera kukuzga ntchindi pa banthu na kupwelerera umoyo wawo. Banthu awo bakutebeta mu mawupu gha chikhristu pakukuzga umoyo wa banthu bakwenera kuchindika na kukuzga kupwelerana kwakuruska mlimo wuli wose uwo bakuchita. 6.2 Chiutukuko chikwenera kupereka nkhongono kubanthu mwakuti bajitolere mazaza pa kupwelerera umoyo wawo na wa banyawo, pa vyakukhumbikwira vyawo. Kulongosora Chitukuko chikufumira muchigomezgo chakuti mlimo wuli wose ngwakuzirwa. Chiuta wali kupereka mazaza ghakuti munthu wali yose wakukhara na umoyo na ntchindi na kuzirwiskika. Mazaza agha pa mulimo ghali kujinthika pa languro la Chiuta ilo wali kupereka kubanthu apo wakabalengera mucharu ndipo likurutilira na kudidimizgika mu visambizgo vya Bapostole. Apo Chiuta wakurangura kuti banthu bake bakwenera kuba bakupa mwawangwa ku bakavu na bakutomboroka, (2 Bakorinto 9), Chiuta mweneyuyo wakulanguraso kuti munthu wali yose wakwenera kutebeta mlimo (1 Batesalonika 4), ndipo wakulutilira kurangura kuti wose awo bakureka kugwira ntchito bangaryanga chara, mwakuti, “Pakuti apo tikaŵa namwe tikamupani languro ili lakuti, “Usange munthu wakukhumba kuchita mlimo chara, wareke na kurya.” (2 Batesalonika 3.10). Chitukuko chikususkana na fundo yakuti kusakata chuma nkhwananga. Kughanaghana kwantheura uku nkhwakutondeka chifukwa kukutondeka kukoleranako na fundo ya Baibulo ya ulinda. Chitukuko chili na ulato wakuwunjika chuma mwakuti banthu bajiwunjikire waka usambazi chara. Kwene, chitukuko ichi chikutora mwalwana kuwunjika chuma na ulato wakuti banthu bavwirike kufumamo mu wukavu kwizira mukugabana na kuwuskirana muchanya. Ulato chomene ngwakuwuskira thupi la Yesu Khristu muchanya mwakuti bamanye kusopa na kumugomezga Chiuta makora. Banthu bakovwirikaso kuwuskira muchanya chigomezgo chawo mwa Chiuta kuti ndiyo wati wapereke na kufiska vyakusoberwa vywawo.