Ufumu wa Chiuta, Buku la Msambizgi

/ 3 5 1

UFUMU WA CHIUTA

(2 Mafumu 20.1-11), ndipo kufwa kwantheura uku kukawonekanga kuti munthu wafwa chifukwa Chiuta wamweruzga chifukwa cha kwananga (Vya mu Mtendeko 2-3; Marango gha Chibiri 30.15; Yeremiya 21.8; Ezekiyeli 18.21-32). Nyifwa njakofya, pa chifukwa chakuti yikupatura banthu awo bakutemwana (Masalmo 73.23-28; 139.8). Pachifukwa cha vinthu ivi na vyakofya vinyake ivyo nyifwa yikwiza navyo, kujikoma kukachitikanga vibi chara pakati pa banthu ba Chiuta (1 Sam. 31; 2 Sam. 17.23), ndipo charango chakukomeka (kweruzgikira kunyifwa) kukawonekanga kuba chiheni chakuruska na chakofya chomene. Muchipangano chasono, pachifukwa chakudodoliska pa Ufumu wa Chiuta mwa Yesu Khristu, nyifwa yikuwoneka kuba chinthu icho chili mumawoko gha Chiuta. Umoyo ukufumira kwa Chiuta, mweneuyo wali na mazaza pa umoyo na nyifwa (1 Tim. 6.16). Banthu baliko kuti bafwenge, chifukwa bali kutolera kabiro ka Adamu na Hava mweneuyo wati wananga wali kutembelereka na kubikika kuti wafwenge (Baroma. 6.23; 5.12ff.). Chifukwa chakuti nyifwa yikukhwaskika na nthembo ya banthu ndicho chifukwa banthu bakopa nyifwa (Mat. 4.16; Baheberi 2.15). Mwantheura, pakuti Fumu Chiuta pera ndi jando la umoyo (Baroma 4.17), tikufwa chifukwa tili kupatukako kwa Chiuta, tili balendo ku umoyo wa Chiuta; ulendo uwo ukambika na Adamu na Hava chifukwa cha uchigaruka wawo (Baroma 5.15, 17-18; 1 Bakorinto 15.22). Tose nga mbanthu awo bali kuwa pamaso pa Chiuta, tikutorapo lwande pakuchita kwananga ndipo cheruzgo chitenelera (Baroma. 3.23; 5.12), tilipo tili kujiguzira ukali wa Chiuta (Baroma 6.23; Baheberi 9.27). Unenesko wa nyifwa ngwakuti, ntheura, umaliro wa banthu na umaliro wa charu, vili kwiza chifukwa cha uchigaruka wa munthu ndipo ivi vili kukhwaska banthu wose mu charu chose. Nyifwa kuti yikuchitika chifukwa cha ulwari na kutondeka kwa thupi la munthu chara kweni yikuchitika chifukwa cha kugaruka kwa munthu na uchikana dango la Chiuta. Nyifwa ntchifukwa chakupatukana na Chiuta uko munthu wali kuchita. Munthu wali yose wakukhwaskika na nyifwa Adamu ndipo kwa iyo wali yose wali kutolerako (Baroma 8.6; 1 Yohane 3.14), ndiposo kugarukira Chiuta kuli kubikamo mwa ise kabiro ka kwananga ako kali kutiziyamo mukabiro ka nyifwa nanga wuli tikhare umoyo uweme wuli pamaso pa Chiuta (Baroma 7.9; 1 Bakorinto 15.56; Yakhobe 1.15). Pakuba chata na mwati wa utesi na chigaruka, Satana wakuwoneka muchipangano chasono nga ndi fumu ya nyifwa (Baheberi