Ufumu wa Chiuta, Buku la Msambizgi

/ 7 3

UFUMU WA CHIUTA

KUKHWASKANA

Kujipereka kwa Khristu panji ku Mpingo?

Kasi mungazgora wuli nkhani iyi: “Kulije munthu uyo wangajiphara kuti ndi mubwezi wa Yesu kwambura kutemwa banthu bake, uwo ndi Mpingo wa Yesu Khristu.” Mumadazi ghano apo banthu bakupulikizga chomene bapharazgi ba pamatelevizhoni, vyapangiska banthu kuti batemwe kuhara waka pabekha na kusopa pa mipingo ya pamatelevizhoni kwambura kuwunjikana na banyawo pa Mpingo wuli wose. Banthu bantheura bakukhumba chara kusopa na banyawo. Kasi makani agha muli kughapulikapo? Banandi bakupulikana kuti nanga wuli mukhristu wali yose wakwenera kuba na Mpingo, kuti ntchinthu chakuti tibikepo dango chara kuti munthu wachite kukhara na Mpingo uwo wakwenera kuba yumoza wawo. Bakugomezga kuti munthu wangaba wa uzimu kwambura kuba yumoza wa mpingo. Chakuzirwa ntchakuti munthu wakwenera kuba na mtima uweme wakumusopa Chiuta, wakumtemwa Yesu na Mazgu ghake ndipo bakwenda nayo. Usange munthu wali na ubare na Yesu mwantheura umu ndikuti wali makora na Chiuta nanga wabevye mpingo. Kasi imwe mukughanaghana wuli pa makani agha? Kasi mukughanaghanapo wuli pa chisambizgo chakuti mukhristu wakwenera kuba mukavu chara? Chisambizgo ichi, mwawupusu, chikusambizga kuti munthu yose uyo wali na Yesu wakwenera kuba mukavu chara, wakwenera kulwara chara, wakwenera kusobekerwa kali kose chara pali kukavuka kali kose chara chifukwa wali mu muwuso wa Chiuta. Chisambizgo ichi chili kujinthika pa fundo yakuti bakhristu bali na mazaza ghakukanizgira masoka na masuzgo chifukwa chakuti Yesu wali kufwa na kuwuka kubakufwa, ntheura wali kumazga nthembo na masuzgo ghose. Yesu wali na mazaza pa vyose ndipo chifukwa chakuti Yesu wali kutonda vyose ndipo wali na mazaza pa vyose. Mpingo wuli na mazaza pa matenda, nthembo na masuzgo ghose. Banji awo bakupulikana na chisambizgo ichi, bakugomezga kuti usange mkhristu wali na masuzgo ghantheura agha ndikuti ngwakwananga, walije Mzimu Mtuba mwa iyo. Chiuta wali kupereka uchizi, ndipo icho mkhristu wakukhumbikwa kuchita nkhukhozga chipulikano chake mwa Khristu Yesu. Kasi chipulikano na chisambizgo chantheura ntchakwenelera ku ba khristu panji chapadera na chambura kupulikikwa? Kudidimizga mwambura kwenelera

1

peji 338  3

3

2

Kasi ndi nthowa wuli iyo yikutebeta makora?

Chimoza mwa vinthu vyakusuzga chomene mu mbiri ya Mpingo vingasambirika makora kwizira mumafumbo: kasi mpingo ukwenera kuba na ubare wuli na charu?

3