Ufumu wa Chiuta, Buku la Msambizgi

/ 8 1

UFUMU WA CHIUTA

Mafumbo agha ghali kubikikako na ulato wakumovwirani kuti muweleremo ivyo mwasambira pakuwona fundo zikuru zikuru pa mutu wa Mpingo nga nkhusangika kwa Ufumu wa Chiuta. Chonde torani nyengo pakudumbirana na musambiri munyinu na lwana lose mwakuti muwone usange muli na umanyi wakwenelera. Apo ntchamachitiko perekani mavesi pa kukhalira ukaboni ivyo mwasambira. 1. Kasi Mpingo ndi mbumba ya Chiuta muntowa wuli? Perekani ving’anamuro vibiri vya Ekeleziya (ekklesia/bakusoreka) mu mazgu gha Chiuta? 2. Perekani ching’anamuro cha Mpingo kufumira muchipulikano cha Bapostole? Kasi kupulikiska ving’anamuro ivi nkhwakuzirwa wuli pa kupulikiska ching’anamuro cha Mpingo? 3. Mpingo pakuba mbwiwi ya kusangika kwa nkhongono ya Mzimu Mtuba iyo yikupereka nkhongono kwa bakupulikana, kasi Mzimu Mtuba wakuba wuli chikhore kubakupulikana ( arrabon ) pa vitumbiko vya Chiuta ivyo vikwiza kunthazi? Kasi ivi vikukoleranako wuli na kakonkhoskero ka mu Chipangano chakare (labiskani pa upharazgi wa Petrosi pa zuba la Pentekoste)? 4. Kasi mungalongosora wuli makani ghakuti Mpingo ndiwo ndi Mlinda panji msungiliri wa uvumbuzi wa Chiuta mwa Khristu? 5. Kasi pali kukoleranako wuli pakati pa thupi la Yesu na kugowokereka kwa zakwananga? Kasi munthu wangamanya kupokera chigowokero kwa Chiuta na kuleka kuba yumoza wa bakupulikana pa Mpingo? Longosorani zgoro linu. 6. Perekani viyerezgerero kufumira mu Mazgu gha Chiuta agho ghakukoleranako na fundo yakuti “Mzimu wa Chiuta ndi Fumu ya Mpingo, mweneuyo wakupereka nkhongono, urongozgi, na kupereka ungweru kucharu” 7. Kasi Ufumu wa Chiuta ukuwonekera wuli mu umoyo wa Mpingo? Kasi ntchakuzirwa wuli kukhozgera unenesko wakuti apo pali Mpingo ndipo pali nkhongono ya Ufumu wa Chiuta (Muwuso wa ukajiyimire wa Chiuta)? 8. Kasi pali unenesko wuli pakuyowoya kuti Ufumu wa Chiuta ndi chawanangwa na mliimo wa Mpingo?

Kuweleramo chisambizgo chakwamba

Mafumbo gha basambiri na mazgoro ghake

peji 341  8

3