Ufumu wa Chiuta, Buku la Msambizgi

9 0 /

UFUMU WA CHIUTA

6. Utebeti ku bakavu na bakutindibizgikira pasi wuli na malo ghakuzirwa chomene mu umoyo wa Mpingo – Chifukwa wuli? Usange Mpingo ukutondeka kuchitira bakavu urunji na lusungu, kasi Mpingo ukurongora kutondeka wuli pakuchitira ukaboni wa Yesu ku banthu muchikaya? 7. Kasi ndi mukabiro wuli ako Baibulo likutipanikizgira kuti milimo iyo Yesu wali kuchita pakurongora Ufumu wa Chiuta wulutilirenge mu umoyo na milimo ya Mpingo? 8. Kasi Mzimu Mtuba wakutebeta wuli pakupanikizgira unenesko na nkhongono ya Mazgu gha Chiuta kwizira mu utebeti wa Mpingo kuno kulero? Kasi kupanikizgikira kwithu kukwenera kuba wuli ku charu? Chisambizgo ichi chadunjika chomene pakurongora umo Mpingo wa Yesu Khristu ukutebetera pa maro na mukachitiro kake apo Ufumu wa Chiuta ukurongoreka na kuvumbukwa. Mpingo ndi mwimiliri wa Ufumu wa Chiuta uwo ukuyeya Ufumu wa Chiuta na kuruta nawo kucharu. Nanga wuli Mpingo ndiwo ndi Ufumu wa Chiuta chara, kwene ndiwo ndi nthowa iyo Ufumu wa Chiuta ukuvumbukwira mucharu. Ufumu wa Chiuta ukupanga Mpingo, nga ndi umo Chiuta watebetera muwukajiyimire wake kwizira mwa Yesu Khristu pakuparanya na kumazga ufumu wa Satana, kwiziraso mu mpingo wenewuwo ukupereka ukaboni wa Ufumu wa Chiuta mumalo umo Mpingo wuli na kwizira muwutebeti wake. ³ Mpingo wa Yesu Khristu ndimo mukusangika chiponosko cha Chiuta kwizira mukupharazga kwa uthenga wa chiponosko wa Yesu Khristu. Kwizira mu Mpingo, chigowokero cha Chiuta chikuperekeka, kuwezgekeramo mu mbumba ya Chiuta kukuperekeka ku banthu kwizira mu uthenga wa chiponosko. Nga ndi musungiliri wa Mazgu gha Chiuta, Mpingo ukugabana na banthu chitemwa na minthondwe ya Chiuta ku awo mbakutayika. ³ Mpingo ndimo muli nkhongono ya Mzimu Mtuba iyo yikupereka mazaza ku bakhristu. Mzimu Mtuba ndiyo ntchikhore cha Chiuta ( arrabon) , malipiro ghakudangilira ghakupanikizgira chiharo na uhaliri wa bana ba Chiuta mu Ufumu wa Chiuta wenewuwo ukwiza pakwizaso kwa Yesu Khristu. Mpingo nga ndi mwakukhara mwa Mzimu Mtuba, ukusang vitumbiko, vipambi, na kusangwa uko kukwiza na kusangika kwa Mzimu Mtuba mu wutebeti wa Mpingo.

KUBAMBIKIZGA

Fundo zikuru zikuru mwaufupi

3