Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

1 6 2 /

UKABONI WA CHIPANGANO CHAKALE PA YESU KHRISTU NA UFUMU WAKE

Kulengeka kupya. ‘Pakuti Chiuta uyo wakayowoya kuti, “Rekani ungweru uŵale kufumira ku mdima,” ndiyo wakuŵala mu mitima yithu, kutipa ungweru wa kamanyiro ka uchindami wa Chiuta uwo ukuŵala mu chisko cha Khristu (2 Bakorinto 4.6). Yohane mu buku lake wakupereka ungweru pa kulengeka kwa vinthu apo wakakoleranako na kayowoyero ka mlembi wa Vya mu Mtendeko, ‘pamtendeko Chiuta wakata……. mazgu agho ghakata ndipo gheneagho ghakiza mucharu na kutora thupi. Awo bali mwa Yesu, kwakuyana na Paulosi, njilengiwa chipya (2 Bakorinto 5.17; Bagalatiya 6.15). Paulosi na Yohane bakukoleranako pakuphara kuti banthu wose bali kuwombokwa kwizira mwa Yesu Khristu (Baroma 8.19-21; Uvumbuzi 22.1-5). Uthenga uweme ukuchitira ukaboni kulengeka kwa kuchanya na charu chipya umo barunji bamukharamo’ (2 Petrosi. 3.13; cf. Uvumbuzi 21.1). Kufuma . Mzgezge wa Kufuma ukuwonera chomene muchipangano chasono. Mateyo wakuwoneka kuti wakuwona uwana bonda wa Yesu Khristu nga nkhuwerezga kwa nkhani ya Israyeli, awo bakaluta ku Igupto na kukizaso (Mateyu. 2.15). Yohane, kwakuyana na umo wakuphalira makani mu kulemba kwake kwakulongora kuti Khristu ndi Mfiski wa mwana mberere wa Paska (Yohane 19.14, 36). Petrosi mukayowoyero kake wakulongora kulazga kufundo yeneiyi (1 Petrosi. 1.19), apo Paulosi wakubika pakweru fundo iyi mukayowoyero kake wakuti: Uskanimo chirungo chikoroŵere, mwakuti muŵe burunga la nthimphwa yiphya nga ndi umo muliri nadi ŵambula chirungo. Pakuti Khristu Mwana-mberere withu wa sembe ya Paska wakomeka kale pa mphinjika. Ntheura tiyeni tichite chikondwerero cha Paska na chingwa cha chirungo chikoroŵere chara icho ndi kwananga na ubendezi, kweni na chingwa chambula chirungo, chakufikapo na cha unenesko. (1 Bakorintho. 5.7-8). Nga ndi umo bina Israyeli bakajumphira munyanja ya mchere ya Matete, ndimoso bakhristu bali kubapatizikira mwa Khristu; nga ndi umo bakapokelera chingwa kufumira kuchanya na maji kufumira mujarawe, ndimoso bakhristu bakupokelera maji na chakurya chauzimi’ (1 Bakorintho 10.1-4). Nanga wuli, padera pa vitumbiko vyose iv, muwiro wose wa banthu awo bakafuma kucharu cha Igpto bakafwira mumapopa chifukwa chakuwudra kugomezga na uchigaruka ndipo bakatondeka kunjira mucharu chamalighizgano, bakhristu kulwande lawo bakuchiskika kutorapo lwande makora na kuchenjera mzire nawo batondeke kunjira kumpumuro (1 Bakorinto 10.5-12; Baheberi 3.7-4.13; Yuda 5). Pakuti vinthu ivi vikabachitikira bina Israyeli nga ntchisambizgo/ntchenjezgo kwa ise mwakuti timanye kupwererera ( typikos ), ndipo vili kulembekera ise kuti tisambiremo Vinthu ivi vikaŵachitikira iwo nga ndi nchenjezgo. Ndipo vili kulembeka nga nchisambizgo kwa taŵeneise umaliro wa mgonezi waneng’enera. (1 Bakorinto 10.11). New restoration . Mazgu ghakuti Uthenga Uweme ( euangelion ) na ivyo vikukhwaskika nalo vikufumira muchipangano chasono mwenemumo balembi bake bakulemba kufumira umo likatebeteskera muchpangano chakare mu Yesaya. 40-66

3