Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

2 2 0 /

UKABONI WA CHIPANGANO CHAKALE PA YESU KHRISTU NA UFUMU WAKE

nawo mba haliri ba phangano la Chiuta na chiponosko. Vimanyikwiro vyakukhwaska kusazgikirako kwa banthu ba mtundu kuchiponosko cha Chiuta vikuperekeka kwizira mu uchimi mu Mazgu gha Chiuta. Chimoza mwa vimanyikwiro ivi ndi upharazgi uwo Chiuta wali kupereka mu Vya mu Mtendeko 3:15 ( protoevangelium), layizgo lakukhwaska kuponoskeka kwa banthu wose, kweniso kuti banthu wose batumbikikenge kwizira mwa Abrahamu, nakutiso Mesiya wati wabenge Mliko ku banthu ba mtundu. ³ Pali vinthu vinandi ivyo vikulongora kuti uchimi wa Mesiya wa muchipangano chakare ukapulikiskikanga na Bapostole kuti ukimiranga chiponosko cha Chiuta ku banthu wose, kusazgirako layizgo lakupungurika kwa Mzimu Mtuba kubanthu wose ba mcharu chapasi na kusazgikirako kwa banthu ba mtundu kuchiponosko cha Chiuta icho wakalaghizga kwa Abrahamu. ³ Kwakuyana na umo Bapostole bakatebeteskera chipangano chakare mukusambizga na kupharazga kwawo nga ndi umo vili kulembekera mu buku la Milimo na mu Makalata, vikulongora kuti bakapulikiska kuti banthu ba mtundu nawo mbakusazgikirako kukuba bahaliri ba chiponosko na chitumbiko cha Chiua. Bakulongora kupulikiska kwawo pa kuphara za kupungulika kwa Mzimu Mtuba pa thupi lili lose, kukanika kwa Mesiya na bazengi ba nyumba awo mba Yuda, Yesu ndiyo ndi Mliko ku banthu ba mtundu, kuzengekaso kwa chihema cha Davide mwakusazgidrako banthu ba mtundu, kweniso uchiburumutira wa banthu pakureka kumumanya Mesiya (ba Yuda) chifukwa cha kunonofya mitima yawo. Kweniso bakuphara za kupharazgika kwa Mazgu gha Chiuta, mwakutolera baYuda kukuchita sanje, na chitmbiko cha Abrahamu ku banthu ba mtundu. ³ Uchimi wa Mesiya mu chipangano chakare wakukhwaska banthu ba mtundu ukulongora unozgero na khumbiro la Chiuta pa banthu ba mtundu; Chiuta kuti wafiska waka laghizgo lake la chiponosko ilo wakalaghizga kwa Abrahamu chara, kwene wasazgakoso khumbiro na unozgero wake wakuponoska banthu wose mwakusazgirako banthu bamtundu mu laghizgo lake. Sono ndi nyengo yakuti muzgore mafumbo kwizira mukudumbirana na banyinu pa makani gha utebeti na nkhongono za Uchimi wa Mesiya kufumira mu chipangano chakare pa kupereka ukweru pa kapulikiskiro kithu ka mlimo, wunthu na utebeti wa Mesiya na khumbiro la Chiuta pakupereka chiponosko ku banthu wose kwizira mulayizgo ilo wakapereka kwa Abrahamu. Kweniso, mwakuluska chigaba chili

4

Kutorapo lwande kwa Msambiri na vyakulondezgapo vyake