Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

3 3 0 /

UKABONI WA CHIPANGANO CHAKALE PA YESU KHRISTU NA UFUMU WAKE

pachekha kwambura kulabiska kutanthaula kwake kufumira mu chipangano chasono. Kwakuyana na mbiri ya Israyeli, makani gha vikondwelero vya chisopo, visambizgo vya makhaliro gha banthu, na uchimi wake wakwiza kwa Mesiya, Chipangano chakare chikupereka lufura lwakapulikiskiro na Kurumba utebeti wa Yesu Khristu. Umoza uwu ngwakuzirwa chomene chifukwa ukupereka kulutirizga pakati pa Chipangano chakare na Chipangano chasono wenewuwo ndi fundo yikuru ya chisambizgo ichi. Titebeteskenge Chipangano Chasono pa kutanthaura chipangano chakale ndipo titebeteskenge Chipangano chakare pakupereka ungweru pa uthenga wa chipangano chasono. Kulutirizga kwa makani kweniso umoza wapakati pa Chipangano chakare ndivyo ndi ntchindamira ya ubare wa mapangano ghose ghabiri agha. Norman Geisler, mweneuyo walemba makani ghanandi pa kasandiro ka Chipangano chakare kuluska banthu banandi awo balembapo makani gha kulutirizga na umoza uwo wuli pakati pa mapangano ghose ghabiri, wakukubika pakweru umoza wa mapangano agha. Wakuzgora fumbo lakuti, kasi ndi nthowa wuli iyo njakwenera kuluska ghose pakatanthauliro ka Baibulo? Kasi nthowa yakutanthaulira Baibulo yakwenelera ndi njini? Nyengo zinyake banthu bakughanaghana kuti kuli nthowa zinandinandi waka pakatanthauliro ka Baibulo nga ndi umo kuliri banthu banandinandi waka bakubazga. Kasi Baibulo likwenera kupulikikwa wuli? Nga ndi nthunguli ya Itiyopiya, yikafumbira, na Baibulo mukawoko, “Kasi ndingapulikiska wuli ivyo nkhubazga usange palije wakundovwira kupulikiska?” Zgoro pafumbo ili ndapakweru nkhanira. Yesu ndiyo ndi mulongozgi withu; ndiyo ndi zgoro kukutanthaura Baibulo. Yesu wakayowoya mwakankhonde kose kuti ndiyo ntching’anamuro cha Chipangano Chakare. Pakuyowoya za dango na vyakulemba vya zintchimi wakati, “kuti ndili kwiza kumazga marango chara, kwene ndili kwiza kughakaghafiska” (Mateyo. 5.17). Yesu wakenda Pamoza na basambiri bake babiri paulendo wakuya ku Emmaus, ndipo wakayowoya nawo wakati “Ntheura Yesu wakamba kuŵalongosorera vyose ivyo malembo ghakuyowoya kuphara na vya iyo, kwamba dango la Mozesi ndiposo na malembo gha nchimi.” (Luka 24.27). Pamanyuma, wakayowoyaso kubasambiri bake khumi muchipinda chapachanya ndipo wakati, ““Agha ndiwo mazgu agho nkhamuyowoyerani apo nkhaŵa ndichali namwe, kuti vyose ivyo vili kulembekera ine mu Dango la Mozesi na mu malembo gha nchimi na MaSalimo vikwenera kufiskika.” (Luka 24.44). Pakuyowoyeskana na baYuda, Yesu wabaphalira wakati, “Mukusanda malembo chifukwa mukupima kuti