Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

3 3 4 /

UKABONI WA CHIPANGANO CHAKALE PA YESU KHRISTU NA UFUMU WAKE

Mtima na ntchindamira ya chiponosko chithu vili kujinthika pa kugomezgeka kwa Chiuta pakusunga malaghizgo ghake kucharu, kubanthu, kumubwezi wake Abrahamu, na kwizira mwa iyo, kuwose awo bakwiza na kupulikana na Yesu Khristu wa ku Nazareti kuti ndiyo ndi Mesiya na Fumu, Mfiski wa layizgo la Chiuta. Mukhorwa kweneko, Chiuta Dada wa Yesu Khristu Fumu yithu ndiyo ndi msungi wa layizgo ilo wali kupereka ndipo wali kulapizga pa iyo mweneko kufumiska mucharu banthu ba iye mwene payekha. Mlembi wa buku la Baheberi wakuyowoya kuti umanyi uwu wa kugomezgeka kwa Chiuta ku laghizgo lake ndi nguru ku mizimu yithu, chikhomo chithu chakwimapo: Baheberi 6.17-19 - Sono Chiuta pakukhumba kuŵapanikizgira pakweru ŵahaliri ŵa phangano lakhe na umo dazgo lakhe likaŵira lambula kusinthika, wakakhozgera na chirapo. 18 Mwakuti mu vinthu viŵiri vyambula kusinthika mu vyeneivyo nchambula machitiko kuti Chiuta wasangike mutesi, ise tikuchimbilira kwa iyo kuti tibisame, kuti tichiskikenge na nkhongono zakupokera chigomezgo panthazi pithu. 19 Chigomezgo icho tili nacho chili nga ndi nyanguru wa umoyo withu. Nchakukhora na cha unenesko ndipo chikunjira mu malo gha mukatikati ghatuŵa kuseri kwa chisalu chakuchinga cha mu Nyumba ya Chiuta. Kumbuskani basambiri binu kuti kabiro ka Testamente (Phangano) kakughaniskika makora na kabiro ka Chiuta wamoyo mweneuyo malaghizgo ghake na kufiskika kwake ndicho ntchifukwa na chikanga cha chigomezgo chithu cha umoyo wa myirayira, na chipanikizgo cha utebeti withu muzina la Yesu Khristu. Chigaba chakubambikizgana chikovwira kuti mumanye kuwuska nkhumbi za basambiri binu pambere bandanjire muchisambizgo. Ulato ngwakuti mube na mwabi kubanjizga basambiri binu mukupulikiska mutu wachisambizgo icho chikwiza na kuti kuchita ntheura kubavwire kujura mitu. Vikovwira kunozgekereska basambiri kuti bamanye kughanaghanira ivyo basambirenge. Mwantheura, ndi vinthu ivyo vikupereka nkhongono kubasambiri apo nkhumbi zawo zikuwukira muchanya na kunwekera kusambira.

 4 Peji 23 Kubambikizga