Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

/ 3 4 5

UKABONI WA CHIPANGANO CHAKALE PA YESU KHRISTU NA UFUMU WAKE

binu kuti bapulikiske makora ivyo chihema na vyakuchitika vyake vikwimira mwa Yesu Khristu na ma ukaboni ghawo pa Mesiya.

Ntchakumanya kare kuti usange tikughanaghana na munthowa iyi pa kasandiro ka Baibulo kuti tikukhumbikwa Mzimu Mtuba kuti watovwire. Palije munthu uyo wanagamanya kusanga ching’anamuro chakufikapo na chakwenelera kwambura kuti Mzimu Mtuba wamovwire. Tilije chakutenerezga chili chose kuti timanye kutanthaura na kupereka zgoro lili lose kwambura kuti Mzimu Mtuba watovwire: 2 Bakorinto 3.4-6 - Ichi ndicho chigomezgo chithu kwa Chiuta mwa Khristu. 5 Kuti nkhwakuti tili na usiri pa ise tekha chara kuti tiyowoye kalikose kakufumira kwa ise. Usiri withu ukufumira kwa Chiuta. 6 Iyo ndiyo wakatipa ise usiri kuti tiŵe ŵateŵeti ŵa phangano liphya, kuti ndi mu dango lakulembeka chara, kweni mu Mzimu. Chifukwa dango lakulembeka likukoma, kweni Mzimu ukupereka umoyo. Kalabiskiro kanyake kakuzirwa chomene kufumira kwa nkhwantha pa makani gha malurombo, E. M. Bounds, wakulongora kutomboroka kwithu ndipo wakukoserezga kuti tikwenera kubikapo mtima chomene pakuromba vinjeru kufumira kwa Chiuta: Paulosi wakuti: “Kufiska kwithu kukufumira kwa Chiuta, mweneuyo wali kutipanga kuti tibe batebeti bakwenelera ba chipangano chasono; batebeti ba Mazgu pera chara, kwene ba uzimu: pakuti Mazgu ghakukoma, kwene Mzimu ukupa umoyo.” Mtebeti weneko ngwakukhwaskika na Chiuta, ngwakukhubirizgika na Chiuta, ndipo wali kupangika na Chiuta. Mzimu Mtuba wali pa mupharazgi kwizira mukuphakazgika na Mzimu Mtuba, chipambi cha Mzimu Mtuba chili mwa iyo, Mzimu Mtuba wapereka nkhongono kwa iyo na ku Mazgu gha Chiuta; upharazgi wake ukupereka umoyo nga ndi umo Mzimu nayo wakuperekera umoyo; nga ndi umo vura yikuperekera umoyo. Mpharazgi mweneuyo wakupereka umoyo ndi munthu wa Chiuta, mweneuyo mtima wake ukupukwa Chiuta nyengo zose ndipo wakudodoliska pa Chiuta nyengo zose, ndipo kwizira mwa iyo mwa nkhongono ya Chiuta, thupi na charu vili kupayikika ndipo utebeti wake wuli nga ndi mlonga wa maji ghamoyo.

 6 Peji 113 Kuvwirika na Kuromba

~E. M. Bounds. Power Through Prayer . (Electronic ed.). Oak Harbor, WA: Logos Research Systems, Inc., 1999.