Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

/ 3 4 7

UKABONI WA CHIPANGANO CHAKALE PA YESU KHRISTU NA UFUMU WAKE

Layizgo likulongora kuba munthu

Vyakulemba vyamsambizgi 3

Tampokelerani ku Visambizgo vya Mlongozgi, chisambizgo cha chitatu, Layizgo likulongora kuba munthu . Ulato wa chisambizgo cha chitatu ngwakuti tiwone umo Laghizgo lili kuzgokera kuba munthu pa kusanda banthu na vyakuchitika muchipangano chakare na umo vikuchitira ukaboni wa Khristu mu chipangano chasono. Ukaboni wa Chipangano chakare pa Khristu Yesu na Ufumu wake wuli kujinthika mu kumanya vizgezge vya banthu na vinthu ivyo vikachitikanga muchipangano chakare ivyo vikupanikizgira umoyo, utebeti na Ufumu wa Khristu nga ndi umo vikawonekeranga kwizira mu vyakuchitika vyawo. Vinthu ivi na banthu umoyo wa banthu aba (Mizgezge) vikalongolerathu umoyo wa mponoski mweneuyo wakalongoreka mu chipangano chasono. Chakuzirwa chomene pakabazgiro na kasambiliro ka Mazgu gha Chiuta munthowa iyi, kakovwira kuwona umoza wa Malemba mu chipangano chakare na chipangano chasono na kulutilira kwa uvumbuzi na uchimi wa Mesiya weneuwo uli kufiskika mwa Yesu Khristu wa ku Nazareti. H. L. Wilmington mukuyowoya kwake mu buku lake la Wilmington’s Book of Bible Lists wakupereka ndondomeko ya banthu awo ndi Mizgezge iyo yili muchipangano chakare, mwenemumo chisambizgo ichi chilondezgenge na kundandika mwaufupi. Apa pali mndandanda ufupi waka wa banthu aba: 1. Adamu: Ulongozgi wake pa chilengiwa chipya, Vya mu Mtendeko 1.28; Baroma 5.17-19; 1 Bakorinto 15.22, 45, 47; Baheberi 2.7-9 2. Nowa: umoyo wake wakuponoska, Vya mu Mtendeko 6.13-14, 17-18; 1 Petrosi 3.18-22 3. Abrahamu: Dada wa mafuko ghose, Vya mu Mtendeko 22.7-8; Mateyo 26.36, 42-43 4. Melchizedek: utebeti wake wa usofi, Vya mu Mtendeko 14.18-20; Masalimo 110.4; Baheberi 5-8 5. Isaki: Nyifwa yake, Vya mu Mtendeko 22.2, 8, 10; Mateyo. 26.36, 42-43 6. Yosefe: Mzgezge wakuluska wa Yesu mu chipangano chakare wakuluska wose a. Wakatinkhika kwambura kwananga kuli kose, Vya mu Mtendeko 37.4, 8; Yohane 15.25

 1 Peji 119 Jando la chisambizgo