Ukaboni wa Chipangano chasono pa Yesu Khristu na Ufumu wake: Buku la Msambiri

1 0 2 /

UKABONI WA CHIPANGANO CHASONO PA YESU KHRISTU NA UFUMU WAKE

MESIYA WAKULONGOREKA Chigaba chachibiri: Wakulongoreka/Kuvumbukwa kwizira mumwamphu wake na kuzguka kwake kunyifwa

Rev. Dr. Don L. Davis

Kukomwa kwa Yesu na nyifwa yake (mwamphu wake) vikutipa ise ukaboni wakuti ndi Mesiya. Kuphara pakweru kwa Petrosi kuti Yesu ndi Mesiya, nakuphara pakweru za nyifwa yake na udumuliro wake wakuruta ku Yerusalemu kwene kuku wayamkuomwa na kufwa, vikutipa ise ukaboni wakufikapo kuti Yesu ndi Mesiya. Vyakuchitika vyose musabata la umaliro wa umoyo wake Yesu Khristu, kufumira pa kunjira mu Yerusalemu mpaka pa nyengo yakuromba mugesemani, kukomwa kwake pa mphinjika, kubikika kwake mudindi, vikutipa ise ukaboni ukuru chomene wakuti Yesu ndi Mesiya. Ulato withu muchigaba ichi cha MESIYA WAKULONGOREKA: WAKULONGOREKA KWIZIRA MU MWAMPHU NA KUZGUKA KWAKE KUBAKUFWA, ngwakuti mumanye kuwona kuti: • Kukomwa na nyifwa ya Yesu (Mwamphu wake) vikutipa ise ukaboni ukuru wapakweru nkhanira wakuti Yesu ndiyo ndi Mesiya. • Kuphara pakweru kwa Petrosi kuti Yesu ndiyo ndi Mesiya wa Chiuta, kweniso ukaboni wakufumira kwa Yesu mweneko kuti wakuruta ku Yerusalemu ndipo wamkufwa, na kudumuliro wake uwo wakapanga kuti wakuruta ku Yerusalemu kwenekuko wayamkukomwa na kufwa, vikutirongora khumbiro lake lakufiska malemba gha Chiuuta kuti iyo ndiyo ndi Mesiya. • Sabata la umaliro la Yesu kukhara mucharu, vikusazgapo kunjira kwake mu Yerusalemu na mazaza, kukumana kwake na balongozgi ba chiYuda na kurya Pamoza na basambiri bake chakurya cha pasaka, kwenekuko wakaphara phangano lipya ilo likaperekeka mukuthika kwa ndopa zake. • Vyakuchitika vya Mesiya vya umaliro musabata ilo wakalongora mwamphu wake vikulongora urwirwi uwo wakapulika mu munda wa gesemani, nyifwa yake pa mphinjika, kufwa na kubikika kwake mudindi. Vyakuchitika ivi vikutipa ise ukaboni na upanikizgi ukuru chomene wakuti Yesu ndiyo ndi Mesiya, mwana wa Chiuta.

Chigaba chachibiri mwaufupi

3