Ukaboni wa Chipangano chasono pa Yesu Khristu na Ufumu wake: Buku la Msambiri

1 5 0 /

UKABONI WA CHIPANGANO CHASONO PA YESU KHRISTU NA UFUMU WAKE

wachiwukirano mweneuyo wakakondwa chomene ndipo wakapanikizga kuti buku ili limovwirenge pakupharazga kubanthu mwanthowa yipusu chomene ku awo bakumkana Yesu. Wakupulikana tikwenera kusambizga chisambizgo cha chipulikano na lwana lose na mwakufikapo pakulongora bambura kupulikana ukaboni unandi chomene uwo ukulongora mwandondomeko ziweme na kwenelera kuti Yesu wali kuwuka kubakufwa. Wakudidimizga na kupanikizgira kuti usange tingapharazga na kulongora kufumira mumalemba fundo izi, banthu bapulikiskenge kuti Yesu wali kuwuka kubakufwa (1 Pet. 3.15). mukaghanaghaniro kanyake, banji ba Baliska ba chiwukirano bakapulikiskanga chara kuti kuvikilira chisambizgo munthowa iyi kungavwira kuti banthu bapulikiske na kukhorwa na chisambizgo ichi. Bakugomezga kuti ntchambura machitiko kuti banthu bapulikiske na kukoserezgeka kuti Yesu wakawuka kubakufwa. Kwambura kuti Mzimu Mtuba wakhubirizge na kupereka ungweru, ntchambura machitiko kuti banthu bapulikiske (1 Bakorinto 2.9-16). Ndi pekha usange banthu bakwaskika na Mzimu Mtuba ndipo bangamanya ivyo Mazgu ghakusambizga. Kasi kusambizga na kukhozga chisambizgo kufumira mu Mazgu gha Chiuta kukovwira wuli kuti banthu bapulikiske Mazgu gha Chiuta kwakuyana na Chiwuka cha Yesu Khristu? Chisambizgo cha chiwuka cha Yesu Khristu ntchakuzirwa chomene pa chipulikano cha chikhristu. Chipulikano chithu chili kujinthika pa unenesko wa chiwuka cha Yesu Khristu. Chipangano chasono chikupereka ukaboni wa pakweru pa kuwoneka kwa Yesu Khristu apo wakati wawuka kubakufwa. Chipangano chasono chikupereka ukaboni uwu kwambira pa kuwoneka kwake pa dindi, kuwoneka kwake kwa Bapostole ku Nyanja ya Galileya. Kutumika kwa basambiri ntchilongolero cha mazaza gha Yesu mweneuyo ngwamoyo, chawanangwa chakulongora kuvivya na kutonda kwake nga ndi Mesiya, kukhwaskana na kufiskika kwa uchimi wa kutolera uthenga wa chiponosko kucharu chose chapasi. Pa madazi 40 kufumira pakuwuka kwake ku bakufwa, Yesu wakakhozga chiwuka chake mwakufikapo makora chomene kubasambiri bake kwizira mukusambizga za Ufumu wa Chiuta, na kubatuma Basambiri bake kuruta kuya kapharazga uthenga wa chiponosko kuvigoti vya charu. Wakalaghizga kutumizga Mzimu Mtuba ku bakupulikana mwakuti bafiske uthenga wa chiponosko kuvyaru vyose. Wakakwelera kuchanya kwenekuko wakukhara kuwoko la maryero la Chiuta Dada, kwenekuko wati wizengeso na nkhongono zose. Chikwera chake ntchimanyikwiro na chilongolero kuti Yesu ndi Mesiya.

Kulongosora fundo ya chisambizgo

4