Ukaboni wa Chipangano chasono pa Yesu Khristu na Ufumu wake: Buku la Msambiri

/ 1 8 1

UKABONI WA CHIPANGANO CHASONO PA YESU KHRISTU NA UFUMU WAKE

Vyakubazga pa Khristu (Mwakulutirizga)

Kwambura suskano panji nkhayiko, fundo yinyake njakukhwaska kabiro na umoyo wa Yesu Khristu, chifukwa umoyo wa Yesu Khristu wuli kupereka umoyo na nkhongono ku uthenga wake. Ukaba uthenga weneuwo ukazgoka munthu (yohane 1.14) weneuwo ukaba nthowa yeneiyo ndipo kwizira mwa iyo Mazgu gha Chiuta ghali kwiziramo. Banthu bakatemwa kupulikizga kwa Yesu Khristu chifukwa cha umo iye wakabira. Banthu waka, bakwananga, bana na mizinda ya banthu, wose bakasanga mwa Yesu uweme uwo bakatemwa kupulikizga na kukhara Pamoza nayo. Ntheura kuti ndi ivyyo wakasambizganga pera chara ivyo vikaguzira banthu pafupi nayo kweni kabiro na vyakuchitika vyake, vyakulondezgapo vya visambizgo vyake na vyakuchitika vyake, wuthu na mazaza ghake, vyose ivi vikampangiska kuti wabe musambizgi muweme wakuzura na chitemwa. ~ Robert H. Stein. The Method and Message of Jesus’ Teachings. Philadelphie : The Westminster Press, 1978. pp.7-8. Mabuku gha Ivangeli mu Baibulo ngakuphara nkhani na umo zikabira. Uthenga wake ukuphara vinthu umo vikabira munyengo ya Yesu Khristu ndipo uthenga wake wuli mwantheura na sono wuwo. Yesu wakuyowoyeka pabiri, Yesu mu mbiri na Yesu mweneuyo ngwamoyo na kuno kulero. Yohane wali kulemba ndi kale nga ndi umo Mariko wakalembera pakudankha. Yesu mweneuyo wakuyowoyeka mu mbiri wachali wakuzirwa na wakukhumbikwa chomene muchiKhristu. Tikwenera nyengo zose kumuwona wakwenelera nyengo zose mwakuti kusambira na chipulikano chithu vibenge vyakwenelera nyengo zose. Usange nkhuwona munthu wachipulikano cha Budah, ndingayowoya chara kuti nkhani yithu ya Yesu Khristu kuti wali kubabika na mwari wakulangwa njakufikapo ndipo kuti nkhani yawo yakuti Buddha apo wakafuma munthumbo ya banyina wakaba kuti wakwenda, wakuyowoya ndi vyaunenesko. Unenesko ngwakuti Yesu Khristu ndiyo ndi ntchindamira ya chipulikano chithu ndipo vipulikano vinji vyose kuti vili na unenesko wanthena uwu chara. ~ William F. Buckley, Jr. Will the Real Jesus Please Stand Up? Paul Copan, ed. Grand Rapids : Baker Books, 1998. p. 39. Suzgo la nkhani za mu Baibulo John Dominic Crossan

John Dominic Crossan njumoza wa nkhwantha pa Mazgu gha Chiuta mweneuyo wali kusambira chomene Mazgu gha Chiuta ndipo ndi mulongozgi wa Jesus Seminar ndiposo ngwapachitengo cha Historical Jesus Section of the Society of Biblical Literature. Wali kulemba mabuku ghanandinandi waka pa makani gha

kuzirwa kwa Yesu mu chipulikano cha chikhristu.