Ukaboni wa Chipangano chasono pa Yesu Khristu na Ufumu wake: Buku la Msambiri

/ 2 1 9

UKABONI WA CHIPANGANO CHASONO PA YESU KHRISTU NA UFUMU WAKE

Unenesko wa ukaboni wa chipangano chasono (Mwakulutirizga)

vichoko chomene. Mwachiyerezgero, usange mbumba ya Yesu yikakharanga mumsumba wa Bethlehem (Mateyo 2) panji bakakharamo waka pachoko apo bakizira kuzakalembeska, kwene bakakharanga mu Nazareti (Luka 2). Ndipo wuli, khumbiro likuru lakukhumba kupulikiska chipangano chasono likwenera kufumira kubapo, pakubika pamphepete mphambano izi na kuzirwiska umanyi.

Kapulikiskiro kalero: Fundo yakwamba; Kasi makani gha Mwamphu wa Yesu ndi nkhani za waka? Tikwenera kujifumba usange ntchakwenelera kuguzirapo kaghanaghaniro kithu mu mbiri ya nkhani za muchipangano chasono, mwachiyerezgero nga ndi umo Yohane 20.31 wakuyowoyera, wali kuphara milimo ya minthondwe iyo Yesu wakacitanga ndipo wakuti ulato wake ukaba wakuti banthu bapulikane nayo kuti Yesu Khristu ndi Mesiya, mwana wa Chiuta. Ntchakumanya kale kuti ndiwose chara awo bakubazga makani agha bakoleranengeko nayo kuti ndiwo ukaba ulato wa minthondwe nanga wuli wakaneneska na kuchita makora kuphalira bakubazga bake makani agha. Ulato wa mlembi ndi masachizgo ghake. Kutebeteska kaghanaghaniro ka mlembi usange kakutebeteskeka mwanthera ndikuti chipangano chasono ndi mbiri yakufikapo mukaphaliro kake chara. Kwene tikwenera kumanyaso kuti mbiri mu mdauko wuli wose wa banthu ndi vyakuchitika kweneso katanthauliro ka banthu; kuti ndi fundo pera chara kwambura maghanoghano gha banthu na kutanthaura kwawo. Chakukhumbikwa ntchakuti banthu bamanye maghanoghano gha mlembi, masachizgo ghawo, ulato wakulembera, kalembero kawo na chiyowoyero icho chikatebeteskeka pa kulemba. Kapulikiskiro kalero: Fundo yachitatu; Kasi vyakukhumba vya banthu vikutorapo lwande paching’anamuro cha uthenga? Yesu wa ku Nazareti ndiyo ndi mbiri ya chipulikano cha bakhristu kuti iwo ndiwo ndi wupu wa banthu ba chipulikano chipya. Ndipo wuli nga ndi umo tawonera, ukaboni uwo tili nawo ukalembeka nyengo yitali kufumira apo iyo wakafwira. Mbiri yithu ndi makani ya ivyo wakachitanga kwakuyana na awo bakawona utebeti wake nga ndi nthumi ya Chiuta, kuti ndi mbiri yakufumira ku banthu awo bakaleka kumumanya panji bakupulika waka chara. Apo tikubazga makani gha chipulikano agha, tikusambira za Yesu, kweniso tikusambira na za vikaya, banthu na mawupu ghakupambanapambana na umo bakakhaliranga.

 Howard Clark Kee. Understanding the New Testament. Englewood Cliffs, NJ: Prentice-Hall, 1983. p. 9.

 Howard Clark Kee. Understanding the New Testament. Englewood Cliffs, NJ: Prentice-Hall, 1983. p. 78, 121.