Ukaboni wa Chipangano chasono pa Yesu Khristu na Ufumu wake: Buku la Msambiri

2 3 2 /

UKABONI WA CHIPANGANO CHASONO PA YESU KHRISTU NA UFUMU WAKE

Vyakubazga ivyo vikukhwaska makani gha Mizgezge (Mwakulutirizga)

Ntchamachitiko Kutebeteska Mzgezge mwaujira

Tikuzizwanga chomene na umo bakutemweka bithu bakuwonera vinthu ivyo mu chipaturo cha Baibulo mulije kwene iwo bakuvisangamo; kweniso tikuzizwa na umo bakulongolera unkhwantha pa vinthu ivyo pamalemba palije. Mabasketi ghatuba ghatatu agho mtebeti wa Farawo wakayeya pa mutu wake mumaroto, kwa ise ndi nkhani yakuchitika; kwene usange munyake wakuwona kuti mabasiketi ghatatu agha ghakwimira Chiuta Dada, Mwana, na Mzimu Mtuba, mbwenu vikutipa maghanaghano ghakuru chomene na kuzizwa kukuru. Tikubaso bakuzukuma chomene usange tikupulika banji bakuti sisi za mutengwa mu buku la Sumu Yikuru zikwimira unandi wa banthu awo bazgokerenga kwa Yesu. Ntchinthu chakuzukumiska chomene kusanga kuti banji bakuwona kuti tumakopara uto mu Samariya muweme wakapereka kuwakusunga nyumba yabalendo vikimiranga ubapatizo na monesko wa Fumu. Tikwenera kubachitira chitima balembi ba mabuku gha Mateyo, Luka, Mariko, na Yohane usange munthu munyake wakutiphalira kuti ndowo za maji zinayi izo Eliya wakathira pa jotchero zikimiranga Uthenga uweme wa Mateyo, Mariko, Luka na Yohane. Kwa Baliska awo bakukhumba kukoserezga banthu kupulikiska vinthu vyapakweru na kuvizgora kuba vyamuchindindi, tibenge bakuzukuma chomene usange bakutiphalira kuti boti ilo Yesu wakakweramo ndi Mpingo wa Chiuta wa kucharu cha Mangalande, penepapo maboti ghanyakhe ndi mipingo yinyake yichokoyichoko. Tikupulikaso mwakusuzgikira chomene katanthauliro ka Papa Gregory the Great pa buku la Yobe, apo wakuyowoya na vya babwezi bake kuti bakwimira banthu ba chisambizgo cha boza ndipo bana bake bankhonde na babiri bakwimira basambiri ba Yesu Khristu, mberere zake vikwivikwi zikwimira bakupulikana ba Chiuta ndipo ngamila zake zikwimira banthu bamtundu awo balije kupulika uthenga uweme pa umoyo wawo.

 Kufumira mu buku la kulembeka na J. Sidlow Baxter, The Strategic Grasp of the Bible .

Masuzgo ghatatu agho tikwenera kulekana nagho pafundo ya Mzgeze

Pali masuzgo ghatatu agho tikwenera kutcheba nawo: • Kufinyizga Mzgezge na kuleka kuwutebeteska

 Kufumira mu buku lakulembeka na J. Boyd Nicholson from the foreword to Harvest Festivals .

• Kukhalapo chomene pa Mzgezge na kudidimizgapo mwakujumpha mweso • Kughanaghanira chomene na kutebeteska mwajumphiska mweso mpaka kunangiska kachitiro kake