Ukaboni wa Chipangano chasono pa Yesu Khristu na Ufumu wake: Buku la Msambiri

/ 8 9

UKABONI WA CHIPANGANO CHASONO PA YESU KHRISTU NA UFUMU WAKE

Kabiro ka Ukuru weneko

KUKHWASKANA

Kanandi kanandi muvikaya vithu tikuyezga kuchita makora panji usambazi pakuwona ukuru, unandi, na nkhongono ya vinthu. Chikhristu chikulabiska vinthu mwakupambana na kalabiskiro aka. Yesu wa ku Nazareti, nanga wuli wakaba wakuzirwa na mukuru chomene mucharu chapasi nga ndi muhaliri wa Chiuta, pakubaso Chiuta mwana, wakarongora mukujikhizga na kujiyuyura kose umo ukuru weneko ukwenera kubira. Wakajipereka na kusida uchindami wake kuchanya na kurongora umo ukuru, usambazi na nkhongono zeneko vikwenera kubira. Kasi ise umo tikuyezgera ukuru, usambazi na nkhongono vikukoleranako na umo Yesu wakachitira? Kasi banthu usange bakutiwona nga mba Khristu bakutidokera, panji bakusuzgika kutipulikiska na kupokelera ivyo tikusambizga? Chinthu chimoza icho banthu awo bakuzomera kutebeteska ndondomeko za chikhristu kuba mweso wa umoyo wawo kweni bakukana kunjira muchisopo ichi, njakukayika uko bali nako pafundo yakuti Chiuta wali kufwa chifukwa cha zakwananga za banthu. Bakuchiwona kuba chinonono chomene kugomezga kuti Chiuta wangafwa. Nyifwa ya Yesu pa mphinjika yikaba yakujipereka mumalo mwa banthu. Kwakuyana na chipulikano cha chikhristu, munthu wambura kwananga na wakufikapo, Mesiya wa Chiuta wakaperekeka kuba sembe na kufwa mumalo mwa mtundu wose wa banthu mucharu, beneawo bakagarukira Chiuta na kuswa dango. Fundo iyi yakuthiska ndopa mumalo mwa bakwananga, yumoza kufwa mumalo mwa chiwuru chose cha banthu awo mbakwananga, ntchinthu icho banandi bakuchikana. Fumbo ilo bakufumba ndakuti, kasi ntchamachitiko wuli kuti munthu yumoza wafwe mumalo mwa banthu wose? Kasi ntchamachitiko wuli kuti Chiuta wafwe mumalo mwa banthu? Kasi Chiuta wangafwa? Mwaufupi waka, yezgani kulongosora umo chipulikano cha chikhristu chikusambizgira pa makani agha. Kasi ntchifukwa wuli Mesiya wakafwa?

1

2

3

Chakuzukumiska cha Mphinjika

Kasi muli kuzizwapo kuti kasi ntchivichi icho chikanjira mumaghanohano gha Fumu yithu kuti wajipereke na kufwa pa mphinjika mumalo mwa charu? Kukanika na bawiske, kujoworeka na babwezi bake, kwendereka mphiska na kurangika kwambura kwananga, Mesiya wa Chiuta wakapokera muthupi lake vyakubinya mumalo mwa ise, banthu bakwananga. Mu unenesko wose, mphinjika yikupereka munthondwe ukuru chomene. Chiuta mwana wakapayikikapo na kufwa mumalo mwa ise tabaheni, kutiponoska na kutithaska kuwukali wa Chiuta Dada. Palije

3