Bible Interpretation, Amharic Student Workbook

/ 9 9

የመጽሐፍ ቅዱስ ሥነ-አፈታት

* ሁላችንም የመጽሐፍ ቅዱስ አስተማሪዎች እና ምሁራን ስላልሆንን የራሳችንን የመጽሐፍ ቅዱስ የትርጓሜ ሥራ ስንሰራ ግባችን ምን ሊሆን ይገባል? አንዳንድ የአካሉ ክፍሎች እኛ ካደረግነው በላይ በጥናታቸው ማድረጋቸው ሊያሳስበን ይገባል? የመንፈሳዊ ስጦታዎች ምስል በዚህ ውስጥ እንዴት ይታያል? * መጽሐፍ ቅዱስ ከሚሰጠን ማስተዋልና ጥበብ ይልቅ በሌሎች ላይ መደገፍ አስፈላጊ የማይሆነው ለምንድን ነው? በክርስቶስ ለምናደርገው ትምህርት እና እድገት በሌሎች ላይ ከመጠን በላይ ጥገኛ ስንሆን ምን አይነት ስህተቶች ሊፈጠሩ ይችላሉ? * በግላዊ ጥናታችን ውስጥ በመንፈስ ቅዱስ ላይ በጣም መደገፋችን መጽሐፍ ቅዱሳዊ ትርጓሜን በትጋትና በስርዓት የማድረግ ምትክ መሆን የማይችለው ለምንድነው? በግል ጥናትህ ውስጥ ማስተዋል ለማግኘት በመንፈስ ቅዱስ ላይ አለመደገፍህን እንዴት ማወቅ ትችላለህ? በተመሳሳይ መልኩ፣ የእውነትን ቃል በምትይዝበት መንገድ መስነፍህን እንዴት ማወቅ ትችላለህ? * መጽሐፍ ቅዱስን ከሐዋርያትና ከነቢያት ጎን ለጎን በጌታችን አጽንዖት ከሰጣቸው መሪ ሃሳቦች አንጻር ሁልጊዜ ማጥናት አስፈላጊ የሆነው ለምንድነው? በብሉይም ሆነ በአዲስ ኪዳን እግዚአብሔርን እና ባልንጀሮችን ስለመውደድ የሚያስተምሩት ትምህርቶች አንድ ጉዳይና ዓላማ እንዳላቸው እንድንረዳ የሚረዳን እንዴት ነው? አብራራ። መጋቢው የሚናገረው ነገር ብቻ ነው ዋጋ ያለው በብዙ ባሕሎች ውስጥ የመጽሐፍ ቅዱስን ትርጉም ለመረዳት የግል ጥናት የሚደረግበት ዘዴ ምንም ይሁን ምን የቅዱሳን ጽሑፎች መሠረታዊ ትምህርት በቤተ ክርስቲያን ወግ ወይም በቤተ ክርስቲያን ባለሥልጣናት ላይ የተደገፈ ነው። ይህ በግልጽ የሚታየው በካቶሊክ የመጽሐፍ ቅዱስ ትርጓሜ ዘዴ ውስጥ ነው። የግለሰቦች ጥናት የሚበረታታና የሚወደስ ጥሩና የሚያንጽ ቢሆንም፣ የቤተ ክርስቲያንን ትምህርት ባለፉት መቶ ዘመናት እንደተረዳነውና በአሁኑ ጊዜ በጳጳሳትና በሊቃነ ጳጳሳት አስተምህሮ እንደተገለጸው የግለሰቦች ግኝቶች ከቤተክርስቲያን ትምህርት ፈጽሞ ሊቀድሙ አይችሉም። የፕሮቴስታንት እምነት ተከታዮች ይህን አመለካከት አይቀበሉም፤ ይሁን እንጂ በብዙ የፕሮቴስታንት አብያተ ክርስቲያናት ውስጥ አንድ ሰው የሚያስተምረው ነገር መጋቢው ወይም መንፈሳዊ መሪዎቹ ከሚያምኑበትና ከሚያስተምሩት ጋር እስካልተጣጣመ ድረስ የግለሰቡ አተረጓጐም ተዓማኒነት የለውም። በግለሰብ ደረጃ መጽሐፍ ቅዱስን ስንተረጉም የእረኝነትና የመንፈሳዊ አመራር ሥልጣን ምን ሚና ይጫወታል? ታዲያ የምናገኘውን ሁሉ የሃይማኖት መሪዎቻችን እውቅና ሊሰጡልን ይገባል ወይስ እነርሱም እንደኛ ተቀባይነት ለማግኘት አመለካከታቸውን ከቅዱሳት መጻህፍት ጋር ማስማማት ይኖርባቸዋል?

2

ጥናቶች

1