Chiuta Dada, Buku la Msambiri

1 0 6 /

CHIUTA DADA

³ Chisambizgo cha wutatu wa Chiuta chikuzomerezga kuti Chiuta waliko mu wutatu, ndiposo wose batatu bali na kabiro kakuyana waka, mbakupambana mukachitiro kawo na mlimo wawo, kweni bali na uchindami wakuyana waka, Pamoza ndi Dada, Mwana, na Mzimu Mtuba. ³ Chiuta Dada wa nkhongono zose ndi Chiuta, ndipo wakulongora kabiro kakuba na nkhogono zose na ukuru wake. ³ Chiuta Dada wa nkhongono zose, ndi Mzimu, wali na thupi chara panji chakukoreka na mawoko ³ Chiuta Dada wa nkhongono zose mbumoyo ndipo wali na umoyo, nyengo zose wakaba, ndipo ngwakutimbaizgika na chili chose chara ndiposo ngwa muyirayira. ³ Chiuta Dada wa nkhongono zose, ndi munthu, wali na umanyi, ndi kamanyimanyi wa vyose, wakukhwaskika, wakusankha ndipo wakukhara pa ubare na banthu na chilengiwa chake. ³ Chiuta Dada wa nkhongono zose ngwambura mphaka: kwakuyana na malo, walije mphaka ( omnipresent), kwakuyana na nyengo, ngwa muyirayira ( eternal), kwakuyana na umanyi, ndi kamanyimanyi wa vyose ( omniscient), ndipo kwakuyana na nkhongono, wali na nkhongono zose, ( omnipotent .) ³ Chiuta Dada wa nkhongono zose ngwambura kusintha ndipo umo wakabira ndimo waliri: wabengepo chara icho wandabepo, wakhara wali icho wakaba, wakusinthapo kabiro kake chara, urunji wake, uchindami wake, na kufikapo kwake. Sono ndi nyengo yakuti mudumbirane na banyinu ivyo mwasambira kwizira mukuzgora mafumbo kufumira muchisambizgo kweniso na mafumbo agho muli nagho kufumira mu ukuru wa Chiuta. Jitolerani nyengo kudumbirana na kusambizgana na banyinu ivyo mwasambira. Mafumbo agho tanozga apa ghangamanya kumovwirani kuweleramo ivyo mwasambira. * Kasi munthu wangamanya kuba muKhristu kweni na kukana chisambizgo cha wutatu wa Chiuta? Kasi chisambizgo ichi ntchakuzirwa mwakuyana waka na chisambizgo cha chiponosko mwachipulikano panji vikupambana kuzirwa kwake? Ndipo kasi munthu wangamanya kuponoskeka kwene na kukana kupulikana na chisambizgo ichi? Ndipo kasi munthu wantheura tingamutora kuti ngwakupulikana nadi?

3

Kutorapo lwande kwa basambiri na vyakulondezgapo vyake