Chiuta Dada, Buku la Msambiri

Chiuta Dada Kumusambira Chiuta Dada withu, wa nkhongono zose, ntchimoza cha vinthu vyakuzirwa chomene na chakuzura na usambazi ukuru icho chili mu Mazgu gha Chiuta. Chikukhwaska chigaba chili chose chakuba basambiri ba Yesu Khristu, Kusopa kwithu, utebeti withu; mwaunenesko wose, nga ndi umu Fumu Yesu yikayowoyera, “Ndipo uwu ndi umoyo wa muyirayira kuti ŵamumanyani imwe, mwaŵeneimwe ndimwe Chiuta mwekha pera wa unenesko na Yesu Khristu uyo muli kumutuma” (Yohane 17.3). Chisambizgo ichi chikukhwaska mwachisanisani mwalwana lose masambiro gha vya Chiuta. Tikwamba na kulongosora fundo za Uvumbuzi wachisanisani na Uvumbuzi wa padera, na kusanda mwalwana lose kuzirwa kwa kusambira chisambizgo cha Chiuta pakulabiska mutu wa kusangika kwa Chiuta, ubapo wake na kutorapo lwande kwake pa vyakuchitika mucharu, kweniso kupaturika kwake kucharu, kuwura mphaka kwake na kuwura mapimiko kwake. Tikulabiskaso mazaza ghake gha Chiuta na kupereka kuchilengiwa chake vyakukhumbikwa vyose mu mbiri ya chilengiwa, umo Chiuta Dada wa nkhongono zose waliri wa mazaza pa vysoe, jando la umoyo wa vinthu vyose vya moyo, na wakwendeska vinthu vyose kwizira mwa mwana wake, Yesu Khristu. Mwakusazgirapo, tilabiskenge ukaboni wakufumira mu Baibulo pa makani gha utatu wa Chiuta, kweniso pa umaliro, tilabiskenge uweme wakuzizwiska wa Chiuta nga ndi umo wuli kuvumbukwira mu Baibulo kwakuyana na mdauko wake mukabiro kake, utozi, nkharo yake na chitemwa chake chambura mapimiko.

Rev. Dr. Don L. Davis, (Ph.D., U of Iowa) ndi mlongozgi mulara wa utebeti wa The Urban Ministry Institute, weneuwo ndi utebeti wa World Impact. Wakutebetaso nga wachitengo wachibiri wa wupu wa World Impact. Utebeti wa TUMI ngwakujipereka pa kusura batebeti ba Chiuta awo bakujipereka pa kupanda mipingo mucharu chose kweniso kusura balongozgi awo bali na kunwekera pa kukuzga Ufumu wa Chiuta pakati pa banthu bakavu awo bakukhara mumisumba yakupambanapambana. World Impact ndi utebeti wa Chiukhristu uwo ukujipereka pakuchiska kukuzga Chikhristu pakwambiska mipingo kwizira mukupharazga, kukhozga na kupereka nkhongono kubatebeti ba Chiuta. Ulato withu ngwakuwunjika, kupereka nkhongono, na kutuma balongozgi ba mipingo awo bapandenge mipingo na kwambiska mipingo muvikaya vyawo.

www.worldimpact.org • www.tumi.org