Chiuta Dada, Buku la Msambiri

1 1 6 /

CHIUTA DADA

KUKHWASKANA

Wanangwa panji kutolerapo mwabi?

Tiyelezgere kuti mpingo winu wasunkhunyika na visambizgo vya kabiro ka uchizi wa Chiuta. Mliska winu wakhara wakusambizga za uchizi wa Chiuta. Visambizgo vyake vya uchizi wa Chiuta vili kupokelereka makora na banthu. Baliska basambizga makora pa wanangwa withu kufumako kukukakika na marango chifukwa cha Yesu Khristu. Wanangwa uwo ukutisutura kukuyezga kumukondweska Chiuta pa ise thekha kwizira mu Milimo. Bana banji pakupulika makani ghakuti bakwenera kuchitapo kanthu chara pakuyezgayezga kumukhorweska Chiuta bayamba kuwoneska wanangwa wawo munthowa zakulongora kuti wanangwa wazgoka chinthu chakujitolera kukuchita uheni kuruska kuba wanangwa wa mwa Yesu wakusuturika kukwananga. Bayamba kuvwara mwambura ntchindi, bakupulikizga sumu za kuwaro ndipo bakwiza nazo mu chisopo, bakuvina vyamsikuzi ndipo bakukhumba kwiza na vyakuvina vina mu tchalitchi. Banji bakuvizomerezga apo banji bakususkana navyo ndipo bakubasuska bawukirano. Banji bakumususka mliska chifukwa chakwiza na chisambizgo ichi. Kasi imwe mungazgorapochi pa makani agha ndipo kasi mungavwirapo wuli? Tiyelezgere kuti munthu munyake mulara mumpingo winu waghanaghana kumuphalira mliska winu kuti, “ndakhara nkhumupullikizgani mukupharazga kwakanyengo sono ndipo ndindampulikanipo mukupharazga panji kusambizga na za ukari wa Chiuta.” Palije apo muli kusambizgapo, kupharazga, kuyowoyapo pali pose za ukari wa Chiuta. Nkhumanya kuti panji muli na vifukwa vyakwenelera ivyo imwe mukutondekera kusambizga chisambizgo ichi. Nanga wuli mukutondeka kuchita ntheura, Baibulo likuyowoya na kusambizga makani agha mwakuwerezgawerezga. Ndipo Mliska wakazomerezga makani agha pamaso pa mlara wa mpingo uyu. Pakuzgorapo Mliska wakati, nkhugomezga chara kuti kusambizga ukari wa Chiuta ntchinthu chakovwira kuti banthu bampulikiske Chiuta. Khristu wali kwiza kuponoska, kweruzga banthu chara, ndipo banthu bakukhumbikwa kuti bamanye kuti Chiuta wakupwelerera, ntheura bakukhumbikwa kwiza kwa Yesu kufumira muwofi chara. Mwaunenesko wose, kwizira mu utebeti wane muvirimika vyose ivi, usange chilipo chinthu icho nasambirapo ntchakuti kofya banthu ntchakovwira chara. Banthu kuti bakukhumbikwa kofwiwa kuti bamumanye na kumuzomera Yesu chara chifukwa kuchita ntheura ntchambura chanduro pachipulikano. Banthu bakukhumbikwa kuphalirika za chitemwa cha Chiuta ndicho chibaguzire ku chiponosko. Kasi mukuzomerezgana na mliska uyu pa mlimo uwo tili nawo pakupharazga chitemwa cha Chiuta kwambura kuphara ukari wake? Kasi ndi mphani apo mliska wakuneneska ndipo ndipo mphani apo wakupuvya? “Kofya banthu nkhwakovwira chara”

1

2

4