Chiuta Dada, Buku la Msambiri

1 3 2 /

CHIUTA DADA

Sono jitolerani nyengo pakudumbirana na kuzgora mafumbo na banyinu. Mafumbo agha ghali na ulato wakumovwirani kuweleramo ivyo mwasambira. Ulato ngwakuti muwone usange mwapulikiska ivyo Baibulo likusambizga pa makani gha uweme wa Chiuta Dada mwakuti muwumbike na kubofyeka na umanyi apo mwamkusambizga banthu na za uweme na ukuru wa Chiuta. Apo mukupereka mazgoro ghinu chonde tebeteskani Mazgu gha Chiuta mwakuti muchitire ukaboni ivyo mwasambira. 1. Kasi pali ubare wuli pakati pa uweme wakuzizika wa Chiuta na nkharo yake? Kasi chikung’anamurachi usange tikuti Chiuta wakurongora kabiro kake kaweme kakufikapo kwizira mu nkharo yake yiweme iyo ndi kutowa kwakufikapo, unenesko wakufikapo, na chitemwa chake chambura mapimiko? 2. Perekani ching’anamuro cha utuba wa Chiuta? Kasi pali ubare wuli pakati pa urunji wa Chiuta na utuba wake? Kasi Chiuta wakurongora wuli utozi (perfect purity) wake wakufikapo kwizira umo wakwendeskera charu na kweruzgira kwake muwurunji? 3. Pakulongora unenesko wake wakufikapo, kasi chikung’anamurachi usange tikuti Chiuta Dada wa nkhongono zose ngwakufikapo? Kasi pali ving’anamuro wuli pa fundo yakuti Chiuta ngwalusungu (veracious)? Kasi pali ching’anamuro wuli pakuyowoya kuti Chiuta Dada ngwamagomezgeko? 4. Chitemwa cha Chiuta chikusazgirako lusungu (benevolence) lwake, kasi chikung’anamurachi? Longosorani ching’anamuro cha uchizi wa Chiuta. Kasi uchizi wa Chiuta wukukoleranako wuli na lusungu lwake? Kasi kuzizipizgira kwa Chiuta kukulongora wuli uweme wake kwa ise na kucharu? 5. Pakupenjerezga kupulikiska kabiro ka Chiuta ka uweme wake, kasi pali nthowa yili yose iyo tingawonera kabiro kose mwapamoza na ulato wakuwona kabiro aka pakuba kakuyana waka na kukubika Pamoza? Longosorani zgoro linu. 6. Kasi kupulikiska uweme wa Chiuta mwakufikapo kungatovwira wuli pakukuzga chipulikano chithu na utebeti withu? Ndipo kasi tingavwirika wuli kuphara uweme wa Chiuta kubanthu bambura kumumanya? Longosorani zgoro linu.

Chigaba chakwamba

Mafumbo gha basambiri na mazgoro ghake

4