Chiuta Dada, Buku la Msambiri

1 4 2 /

CHIUTA DADA

Paumaliro

» Ukari wa Chiuta Dada wa nkhongono zose ndi nkharo yake iyo uwo ukukhwaska kabiro kake kakweruzga kwananga, kweni ukwendezga na uweme wake » Ivyo tabanthu tikuwona kuba mphambano na kuguzana vili waka mukawonero kithu nga ndise tabanthu. Mwa iyo Chiuta mulije kuguzana pa kabiro na nkharo yake. » Kwizira mwa iyo Chiuta withu wambura mphaka, kabiro kake kose kakurongora uweme wake, ukuru wake na kutemwa kwake uko kuliso na urunji wake, uchizi wake uwo wuliso na unenesko wake. Mafumbo agha ghali kunozgekera kuti ghamovwirani pakuweleramo muvisambizgo ivyo mwasambira. Ukari wa Chiuta, nanga wuli ntchisambizgo chakuzirwa chomene mu Baibulo, ntchamachitiko kuti banthu bangatondeka kuchipulikiska ndipo bangachitebeteska mwambura kwenelera panji na kuchirekerathu. Ghanaghanirani makora pa chisambizgo ichi ndipo weleranimo mwakovwirika na mafumbo agha. 1. Longosorani ivyo Packer wakung’anamura pa ukari wa Chiuta Dada wa nkhongono zose apo wakuti, “ukari wa Chiuta chikung’anamura kweruzga kwa Chiuta pa banthu awo mbambura kumupulikira, munthowa yili yose iyo mwene wasankha,” Kasi ntchakuzirwa wuli kupulikiska ukari wa Chiuta pa makani ghose gha mu Baibulo pa kabiro ka Chiuta Dada? 2. Kasi ntchakuzirwa wuli kulabiska ukari wa Chiuta nga nkhuwezgera kwake nduzga pa bachikana marango, bakukana uthaski uwo Chiuta wali kupereka ku banthu kwizira mwa Yesu Khiristu? Kasi ukari wa Chiuta ukuchitikira mukuwura chitemwa panji kwambura kwenelera? Longosorani. 3. Kasi ndi nthowa zini izo Baibulo likulongosora kwenelera na kuzirwa kwa ukari wa Chiuta? Kasi ntchamachitiko kugwentha panji kupambana na ukari wa Chiuta? Perekani zgoro linu mwakurongosora makora. 4. Kasi tikwenera kupulikiska wuli ubare uwo ulipo pakati pa lusungu na urunji wa Chiuta, ukari wake na chitemwa chake? Kasi pali mphambano wuli pakati pa kabiro (Attributes) ka Chiuta ako kakuwoneka kuba kakupambana panji kususkana?

Kuweleramo Chigaba cha chibiri

Mafumbo gha Basambiri na mazgoro ghake

4