Chiuta Dada, Buku la Msambiri

1 4 4 /

CHIUTA DADA

³ Ukari wa Chiuta, nga nkhabiro kake ukwenera kuwoneka pamoza na weruzgi wake wa urunji. Ukwenera kuwonekaso pamoza na uweme wake mwakuti timanye kupulikiska na Kurumba kabiro ka Chiuta. Chitemwa na Urunji vikwenera kuwoneka pamoza kwambura kuvipatura. ³ Kupambana panji kupindana kuli kose uko tikuwona mwa Chiuta nkhwaunenesko chara chifukwa ndimo Chiuta waliri chara. Ivi vikuchitika chifukwa cha kupelera kwithu mukaghanaghaniro nga mbanthu. ³ Palije nthimbanizgo yili yose iyo tikuyiwona mwa Chiuta njaunenesko chara. ³ Pali pose apo Chiuta wakuchita mlimo wake, ndi Chiuta mweneuyo wakujisuska chara. Kabiro kake kali umo waliri kwambura kusintha. Ndi Chiuta wa urunji, wakutemwa ndipo uchizi wake ukukhalilira. Dumbiranani na banyinu mafumbo agho muli nagho pa ivyo mwasambira pa kabiro ka Chiuta, uweme na ukari wake. Yendanimo mu ivyo mukuleka kupulikiska ndipo yezgani kudumbirana na banyinu ivyo mundapulikiske pa unenesko uwu wa mutu uwu wa uweme wa Chiuta na ukari wake pa kwananga. Mafumbo agho tapereka apa ngakumovwirani kuti mwendemo mu ivyo mwasambira na ulato wakuti mupulikiske makora makani agha. * Usange Chiuta ndi mutuba wakufikapo, wangaba wuli na ubare wuli wose na ise tabanthu bakwananga pakuti tose tili pasi pa nthembo? (kutembeka) * Usange Chiuta withu ngwakuzura na chitemwa chakufikapo icho ntchambura mphaka, wangatuma wuli banthu kugehena kukapya kwa myirayira? * Pakuti ndopa za Yesu zili kutuniska ukari wa Chiuta (i.e., zili kulipira mlandu wa kwananga kwithu), kasi ntchifukwa wuli banthu wose bakureka kuponoskeka waka na kusanga kugowokereka kwambura kuti iwo bapempha chigowokero? * Pakulabiska fundo yakuti Chiuta ngwalusungu ndipo wakutilabiska ise kwakuyana na umo tiliri chara kweni kwakuyana na uchizi wake na kutemwa kwake, kasi ntchifukwa wuli Chiuta wakuleka kusankha kuponoska wali yose pali pose apo wali? Usange Chiuta wakukhumba chara kuti wali yose watayike, ntchifukwa wuli banthu bakutayika? * Kasi mungabanya wuli fundo yakuti Chiuta wakupereka vura kwa wali yose, muheni na murunji panyengo yakuyana waka, apo panyengo yeneiyo

Kutorapo lwande kwa basambiri na vyakulondezgapo vyake

4