Chiuta Dada, Buku la Msambiri

1 6 /

CHIUTA DADA

kakuwoneka pakweru mu vinthu ivyo Chiuta wali kulenga. Ntheura ŵanthu aŵa kuti ŵamkuŵa na mpandira chara. Chipulikano cha Bapostole chikwamba na kuphara pakweru za ukuru wa Chiuta, Chiuta Dada, wiske wa Fumu yithu Yesu Khristu. Chipulikano chikwamba na kuti, “tikugomezga mwa Chiuta Dada wa nkhongono zose, Mlengi wa kuchanya na Pasi na vinthu vyose, vyakuwoneka na vyambura kwuoneka.” Kuyowoya uku nkhukhozgera unenesko weneuwo ukukhazikika na kuchitikira ukaboni mu Mazgu gha Chiuta ghose: Ubapo wa Chiuta ukuwonekerathu muchilengiwa chake. Apo tabanthu tikuyowoya chomene mwakukayikira usange Chiuta waliko panji chara, kung’anamura kuti pali nkhayiko usange Chiuta waliko nadi, Baibulo likuphara pakweru kuti Chiuta waliko ndipo ndiyo ndi mweneko wavyose, mwati na mlengi. Ukari wa Chiuta wuli kuvumbukwa kufumira kuchanya pa wali yose uyo wakumukana, bachikana dano la Yehova wose, bambura urunji panji, chifukwa uvumbuzi wose wa Chiuta iwo bakuwukana. Kwakuyana na kayowoyero ka Paulosi, Kwamba pa mtendeko, Kabiro ka Chiuta ako nkhambura kumanyikwa na banthu, nkharo yake iyo banthu bangayimanya chara, nkhongono zake za muyirayira na kachitiro kake ka uChiuta wake, vikuwonekerathu pakweru . Vinthu ivyo Chiuta withu wankhongono zose, wali kulenga, zuba, mwezi, nyenyezi na uchandi uwo vili nawo, mukungweruka kwake, vyose vikurongora waka kuti waliko pera chara, kweni kuti ngwankhongono zose na wa uchindami. Kasi ndi njani uyo wangamanya kukolera viyuni apo vikuwuruka mudera, ndi njani uyo wangapulikizga kulira kwa twana bonda, kuwona msambo wa vinyama vikurya mthengere, uyo wangapulika mphepo apo yikujumpha ndipo wangamanya kukana kuti Chiuta waliko? Ndi njani uyo pakulabiska chilengiwa chose na kutowa kwake ndipo wangakana kuti Chiuta waliko, ndipo vyose ivi vikurongora kuti pali vinjeru na mahara ghakuru chomene agho ghali kubikako vinthu ivi? Wakutemweka, chakutikoserezga chomene pa kuzomerezga ubapo wa Chiuta ndi fundo yamasambiro waka chara, kweni vinthu vyakuwoneka na maso. Masalimo. 19.1-3 - “Mtambo ukuphara uchindami wa Chiuta, mlengalenga ukuthuwuska nchito za mawoko ghakhe. 2 Zuŵa lirilose likuyowoya ichi ku zuŵa linyakhe, usiku uliwose ukuphara ichi ku usiku unyakhe. 3 Kulije kuyowoya, palije mazgu ghali ghose, mazgu ghawo kuti ghakupulikikwa chara. 4 Ndipouli lizgu lawo likusorota mu charu cha pasi, mazgu ghawo ghakuya kafika ku mphererekezgo za charu.” Mazgu ghapakweru gha Chiuta ngakuwuska nkhumbi chomene: kuchanya kukuphara uchindami wa Chiuta, ndipo machanya ghose ghakupharazga mlimo wake. Chilengiwa chikuphara pakweru na za Mlengi mwakuti munthu walije mpandira kweni kuzomerezga kuti walipo yunji uyo wali kuvibikako. Suzgo la

1