Chiuta Dada, Buku la Msambiri

1 8 /

CHIUTA DADA

kabiro ka Chiuta na icho Chiuta wali. Mu Silamu yura mbwunu wakwamba kuphara na chikanga chose kuti kulije Chiuta munyake kwene Allah. Iyo pera ndiyo ndi Chiuta ndipo ndiyo wali kulenga vyose, kuchanya na pasi. Kasi imwe mungamuzgora kuti wuli?

“Kasi wakabankhu kale?”

Tiyelezgere kuti mukalasi linu la Sunday School apo mukusambizga makani gha kukomwa na kusuzgika kw ba Yuda apo bakatolekera kuwuzga na vyaru vya Assyria na Babylon, yumoza mwa basambiri bafumba fumbo lakuti, “tikuyowoya za Chiuta kuti wali nase, ndipo ngwakutitemwao ise na vyose ivyo wali kulenga, kwene usange ndi ntheura Chiuta wakabapo apo ba Yuda bakayorekera ku wuzga, ntchifukwa wuli wakazomerezga kuti banthu bake kuti basuzgike mwantheura? Wakaba nkhu apo banthu bakasuzgikanga? Nga ndi msambizgi wa kalasi ili, mungazgora wuli fumbo ili? Tiyelezgere kuti mama uyo wataya mwana wake mwasonosono chifukwa chakumara kwa ndopa muthupi, wamba kusuzgika na kudindibara chifukwa cha maghanoghano. Wayezgeska kuti waruweko ndipo wakhare umoyo uweme, kweni wakutondeka. Wakufumba mafumbo ghanandi chomene na umo Chiuta wachitira pa kuzomerezga kuti mwana wake wafwe. Wakufumba kuti, usange Chiuta ngwakutemwa, wachitirachi ichi kuti mwana wane wafwe, usange ngwakutemwa, wazomerezgerachi kuti mwana wane wafwe? Iko Chiuta ngwambura kutemwa, kweniso Chiuta kulije. Ntchifukwa wuli mwana wane wasuzgika kwanyengo yitari chomene ndipo wafwa mwana muchoko chomene? Pakugabana namwe maghanoghano ghake na kulira pamaso pinu, wakarutirizga na kuyowoya kuti, usange nkhubazga Baibulo, usange nkulabiska kuchanya, nkuwona kuti ndiri ndekha nkhanira, Chiuta wali nane chara. Baliska na basambizgi ba Mazgu gha Chiuta bandiphalira makani ghantchisko kweni palije uyo wali kundiphalirapo chinthu chakundipa umanyi pa ivyo Chiuta wali kuzomerezgera kuti vyantheura ivi vichitike. Usange Chiuta wakutitemwa, ntchifukwa wuli vyantheura ivi vikuchitika? Kasi Chiuta ngwakutemwa? Nkhumanya chara mwe.” Kasi mungamovwira wuli mama uyu kuti wapulikiske makora za ubapo na ukajiyimire wa Chiuta? “Nkhumanya waka yayi.”

2

1

3