Chiuta Dada, Buku la Msambiri

2 1 6 /

CHIUTA DADA

Banthu bakubakikaso (Mwakulutirizga)

payekhapayekha chara kweni wupu, mbumba na vikaya vyabanthu. Mimiwiro yibiri nkhaba na ntchito yakuchiska banthu ba mtundu wa Satnami kuti bawukire muchanya na kucitapo kanthu pa mlimo uwu. Kweni nkhatondeka. Muchilimika cha 1955, buku lane la Mithandandato ya Chiuta ( Bridges of God) nkhalembamo ivyo nkhasambira kufuma kwa Keysser, Pickett na [Bruno] Gutmann, ivyo bakasambizga banthu ba ku charu cha New Guinea, India na ku Tanganyika – buku la Bridges of God – likayowoya chomene na za Pickett, ndipo wakayowoyanga na ulato wakuchiska banthu kufikira charu chose kwizira mu wutebeti wakufumira mukati. Tikawona kuti udumuliro wa chikaya chose pakuzgoka na kubavwira kukura kwambura kubawuskamo mukabiro kawo ntchakovwira chomene kuruska kubazgora kuba chisopo icho chikubatolera kukachitiro kachirendo. Iyi ndiyo ndi nthowa yakovwira chomene kubanthu kuluska ubawuskamo mukabiro kawo. Nthowa iyi yapambana na iyo ba mishonare bakare bakatebeteska. Bakagomezganga kuti banthu bakwenera kusopa, kuvyara na kuchita vinthu nga ndimo baliri na umo bakuchitira kukwawo. Kwene nthowa iyi yikubaleka banthu kuti basope kwakuyana na umo mdauko wawo uliri ndipo yikutora wupu na chikaya chose pamoza. Ivyo Keysser wakasanga muchilimika cha 1903 vikwenera kuwoneka mwakupambaniska na ivyo wakiza navyo muchikaya. Wakasuskana na kaghanaghaniro aka ndipo wakachiska kufikira banthu na uthenga na kukuzga utebeti kwizira munthowa yakufumira mukati “mwakukuzga maluso na midauko ya banthu mukabiro kawo”. Mawupu gha banthu ghakamba kwenda. Mawupu na vikaya vya banthu bakamba kunwekera na kukhumb kuzgokera ku chikhristu, chomenemene chifukwa chakuti bakawona kuti bakhristu bakaba banthu bakusinthika chomene. Ichi ndicho chifukwa chikuru chomene icho banthu bakakhumbira kuba bakhristu. Kweniso munthu wali kulengeka kuba Pamoza na banyake. Wali kulengekaso kuba wakuyaniska na kuyezga vinthu. Usange chinyake chawoneka kuba chiweme kuruska chinyake, munthu wakukhumbisiska kuzgokera kuchiweme. Ichi ndicho chikapangiskaso banthu kuti basinthike. Tingayowoya kuti uweme wachikhristu usange wakukura chomene, vikupangiska banthu kukhumba kwiza na kuyezga na kunjiramo muchipulikano ichi. Umu ndimo wakawonera Kesser. Kughanaghana mwakudunjika