Chiuta Dada, Buku la Msambiri

2 4 4 /

CHIUTA DADA

NDONDOMEKO 34 Wutatu wa chiuta: Chiuta muwutatu Rev. Dr. Don L. Davis

Mpingo wakhara ukusambizga chisambizgo cha wutatu wa Chiuta. Kwambura kuyelezgera kupulikiska, mpingo wakhara ukuperekera ukaboni wake, wakhara ukuwerezga ivyo Mzimu Mtuba wakhara ukusambizga. Banji bakukana kuti Mazgu gha Chiuta ghakusambizga wutatu wa Chiuta chifukwa chakuti chisambizgo ichi chikuwoneka kuti chikupulikikwa makora chara ndipo chikujisuska chekha. Kwakuyana waka na umo tikuleka kupulikiskira umo hamba likuwira pasi kufuma muchanya nanga ndi umo tuyuni tukukokhomolera masumbi ghake ndimoso tikwenera kuwonera makani gha wutatu wa Chiuta. Kaghanaghaniro kithu pa makani gha Chiuta muwutatu wake kakwenera kutizukumiska nadi kwene kuti chikung’anamura kuti ntchinthu chambura machitiko panji kuti kulije chara. Pakumanya kuti Chiuta tingamupulikska mwakufikapo chara ndimo tikweneraso kupokerera kabiro kake nga ndi umo waliri. “ Mchindikani Chiuta Dada, Mwana na Mzimu ndimo Mpingo wakhara ukwimbira. Kasi ichi chikung’namurachi? Kasi tikupereka marumbo kwa ba Chiuta batatu? Chara nadi! Kwene tikupereka uchindami kwa Chiuta yumoza, muwutatu wawo. Nga ndi sumu yikwimbikira “Jehova! Dada, Mzimu, na Mwana, Chiuta wamnthondwe! Muwutatu! Uyu ndiyo ndi Chiuta mweneuyo bakhristu bakumusopa. Mtima wa chipulikano cha chikhristu wukuvumbukwa nga ndi mnthondwe. Tinitas ndi lizgu la chi Latina ilo likung’anamura wutatu. Chikhristu chili kwima pa fundo na chisambizgo cha wutatu wa Chiuta. ~ J. I. Packer. Knowing God . Downers Grove: InterVarsity Press, 1993. p. 65. ~ A. W. Tozer. The Knowledge of the Holy . New York: Harper Collins, 1961. pp. 18-19. Mafumbo agho tikwenera kulangurukirapo • kasi pali ubare wuli pakati pa kupulikiska na kuperekera ukaboni pa chinthu? • Kasi mukughanaghana kuti ntchifukwa wuli ukaboni wa Mpingo pa wutatu wa Chiuta ukusangika mu sumu zake, muchisopo na muvisambizgo vyake? • Ntchakuzirwa wuli kupulikiska mnthondwe uwu wa wutatu wa Chiuta usange tikusambira kabiro ka Mpingo?