Chiuta Dada, Buku la Msambiri

4 6 /

CHIUTA DADA

chiweme. 14 Nkhukulangula kuti usungilire vyeneivi kwambula banga panji kalema, mpaka Fumu yithu Yesu Khristu yizeso. 15 Ivi vizamkuwoneka pa nyengo yiweme na Chiuta wa uchindami uyo yekha ndi Muwusi wa vyose, Karonga wa ŵakaronga na Fumu ya mafumu. 16 Iyo yekha ngwa kukhalirira ndipo wakukhara mu ungweru uko munthu kuti wangasenderako chara. Palije munthu uyo wali kumuwonapo, panji nesi wangamanya kumuwona. Kwa iyo kuŵenge nchindi na muwuso wa muyirayira! Ameni. Chiuta wali payekha ndipo walije wakupharizgana nayo. Umu ndimo tikumuwonera Chiuta mweneuyo ndi wiske wa Fumu yithu Yesu Khristu. Umoza mwa unenesko wakuzirwa chomene uwo batebeti ba Chiuta bakwenera kumanya mwakufikapo ndi fundo yakuti Chiuta ndi Chiuta uyo wakupwelerera na kusungilira chilengiwa chake, Chiuta uyo wakutebeta mu vinthu vyose pakuvilongozgera kukuchitira uweme na kujikondweska iyo mwene apo vikufiska khumbiro lake. Unenesko uwu, wakuti Chiuta Dada mweneuyo ndi wiske wa Fumu yithu Yesu Khristu ndi Chiuta wakuchita vinthu payekha na ulato wa iye mweneko payekha, ndipo fundo iyi yili pakati pa fundo na visambizgo vyose na maranguro ghose gha mu Mazgu gha Chiuta. Nga ndi Chiuta wa unenesko, mlengi na mwati wa vyose, Yahweh, wangamanya kuchita ivyo mweneko wakukhumba na wali yose uyo iye wamsora na ulato wakufiska chili chose icho wakukhumba. Palije kanthu kuti vinthu vikuwoneka wuli, kwali vikuhenipa kwamtundu wuli, iye ndi Chiuta wa Abraham, Chiuta mweneuyo ndi wiske wa Fumu yithu Yesu Khristu, mweneuyo wakawuska bakufwa, wakusintha umoyo wose mwakuti uyane na khumbiro na ulato wake. Unenesko uwo tikuwusanga mu Mazgu gha Chiuta ngwakuti, Chiuta kuti wali kurenga charu na kujowora waka chara, mwakuti chendenge nga ndi umo chikukhumbira panji umo chingabira waka pachekha. Nanga wuli wali kuzomerezga kuti uheni kuti ubemo mucharu kwa kanyengo, wali kubikako ndondomeko ya kuponoska chilengiwa chake kwizira mwa mwana wake Yesu Khristu Mponoski. Sono pakuti mwana wake wali kufiska chiponosko chake, wali kubikapo mtima munyengo iyo mweneko wali kubikako mweneko, nyengo yeneiyo vinthu vyose vizamkuwezgereka pasi pa ulongozgi na mazaza ghake kwa myirayira. Kwakuruska, wali kudumura kufiska vyose ivi kwizidra mwa iyo mweneuyo wali kumutumbika na wakuyima payekha, Fumu Yesu Khristu, Fumu ya Mafumu. Nga ndi umo Paulosi wakuyowoyera kwa Timoti mu vesi ilo laperekeka pachanya apo, ndi Fumu yithu, kajiyimire yekha, Yesu Khristu, mweneuyo wakukhara mu ungweru wa bawiske, Chiuta wa unenesko, mweneuyo yekha wali na umyirayira, wakukhara mumaro ghakubisika, gha kungweruka kukuru chomene, mweneuyo palije munthu uyo wali kumuwonapo. Chiuta withu ndi Chiuta wa unenesko, kajiyimire na mlengi pa iyo yekha wa charu chapasi na cha kuchanya, mweneuyo wakutebeta na kupanga vinthu vyose

2