Chiuta Dada, Buku la Msambiri

/ 5

CHIUTA DADA

Jando: Kunjizganamo muvisambizgo

Tikumutawuzgani Mzina la nkhongono zose la Yesu Khristu! Kusambira kabiro ka Chiuta withu, Dada wa nkhongono zose, ntchimoza cha vinthu vyakuzirwa chomene ndiposo mbusambazi ukuru wakuruska kali kose ako kali mu Baibulo. Ntchinthu icho chikukhwaska chigaba chili chose cha usambiri withu apo tikurondezga Yesu, chisopo chithu, utebeti withu; unenesko wose nga ndi umo Fumu yithu Yesu Khristu yikayowoyera, “Ndipo uwu ndi umoyo wa muyirayira kuti ŵamumanyani imwe, mwaŵeneimwe ndimwe Chiuta mwekha pera wa unenesko na Yesu Khristu uyo muli kumutuma. 4 Ine ndamuchindikani pano pasi pakufiska mlimo uwo mukandipa kuti ndichite.,” (Yohane 17.3). Muchisambizgo chithu chakwamba, Vyakwambilira (Prolegomena): CHISAMBIZGO CHA CHIUTA NA KUTANDAZGIKA KWA UFUMU WAKE Tilabiskenge mwaufupi vinthu vyakwamba, jando, ilo ndi lufura lwa masambiro gha vya Chiuta, pakulabiska kuzirwa kwa kujivumbura kwa Chiuta kwa ise. Tisambirenge makani gha uvumbuzi wa chisanisani na uvumbuzi wa wapadera, ndipo tisandenge kuzirwa kwawe kwa kusambira Chiuta pakulabiska pa mutu wa kusangika kwa Chiuta, ndiko kuti kusangika kwake na kutorapo lwande kwake muchilengiwa, kweniso kupaturika kwa Chiuta, kung’anamura kuti Chiuta ngwakupaturika ku chilengiwa ndipo wali pamoza na chilengiwa chara, kweniso Chiuta wambura mphaka na kuba wambura kumanyikwa mwakufikapo na banthu. Muchisambizgo chachibiri, Chiuta nga ndi Mlengi: KUSAVYA KWA CHIUTA Tilabiskenge mazaza gha Chiuta pa vyose na kupwelerera kwa Chiuta pa chilengiwa chose mu mbiri yose. Chiuta wakutebeta mu vinthu vyose kwakulingana na khumbiro lake. Chiuta Dada wa nkhongono zose ndi kajiyimire pa yekha pa vinthu vyose (kajati), mwati na jando la umoyo na musavyi wa vyose kwizira mwa mwana wake, Yesu Khristu. Tilabiskengeso umo Chiuta wakusavyira vinthu vyose mu mbiri ya charu. Tilabiskengeso umo usavyi wa Chiuta ukuwonekera mukusungilira na kwendeska vinthu vyose, nakuwona umo lufura lwithu lwakufumira mu Baibulo likutikhozgera muchipulikano chithu na kwimira pa kususkana na visambizgo vya lero ivyo vikukana na kususka na chipulikano chithu (philosophy and theology, namely, pantheism, deism, fatalism, and chance) Muchisambizgo chithu cha chitatu, tilabiskenge pa, Chiuta mu wutatu: UKURU WA CHIUTA Tilabiskenge pa ukaboni uwo Baibulo likupereka pa utatu wa Chiuta; batatu ndi Chiuta yumoza. Mazgu gha Chiuta ghakusambizga kuti kuli Chiuta yumoza pera, kweni Chiuta mweneyuyu wali mu wutatu ndipo