Chiuta Dada, Buku la Msambiri

/ 6 7

CHIUTA DADA

pa iyvo vekha?” (Evolution debate?) Kasi ise nga mbanthu bakupulikana tikwenera tikwenera kukoreska vichi pamakani gha chilengiwa pakati pa suskano zose izi? 4. Kasi lizgu lakuti “Muwuso wa Chiuta” likung’anamurachi? Kasi pali ubare wuli pakati pa Chiuta na umo charu chikwendera? 5. Kasi ulato wa chilengiwa mucharu chose ngwakuti wuli? Kasi ulato wa Chiuta ngwakuti wuli pakwiza kwa Yesu Khristu? 6. Kasi Chiuta ndiyo ndi mwati wa masuzgo na chitimbaheti mucharu? Usange Chiuta ndiyo ndi mwati wa uheni, ntchifukwa wuli wakuwuzomerezga kuchitika? 7. Kasi bali bali na mlandu wuli pa ivyo bakuchita usange Chiuta ndiyo wakuwusa na kurongozga vyose mucharu? Kasi ulato wa Chiuta pa banthu ngwakuti wuli, apo banthu bali na nkhongono za kusankha pa ivyo bakukhumba? 8. Kasi chisambizgo cha “Kusungilira kwa Chiuta” chikovwira wuli pa kususkana na fundo yakuti Chilengiwa ndicho ndi Chiuta? ( pantheism) . Kweniso chisambizgo ichi chikovwira wuli pakususkana na chisambizgo chakuti Chiuta wali kulenga charu kwene kuti wali vikumukhwaska chara na umo chikwendera? ( deistic claims) Kasi fundo yakuti Chiuta wakusungilira na kuwusa pa vinthu vyose yikovwira wuli pakususkana na fundo yakuti vinthu vyose vili kulembeka kale kuti ndimo vibirenge ndipo kulije kusintha. Umo vibirenge ndimo vikwenera kubira? ( fatalism and determinism) Chisambizgo ichi chalabiska Chiuta kuti ndi Chiuta wakusungilira na kuwusa pa vyose, wankhongono zose mweneuyo ndi mweneko na wakupereka vyakukhumbikwa ku chilengiwa. Ndi msungiliri, wakupwelerera na muvikiliri wa chilengiwa chose. Wakuwusa vyose kwakuyana na nkhongono na mazaza ghake kwakuyana na vinjeru vyake. Vinthu vyose vilipo chifukwa cha ubapo wake nga ndi mlengi wa vyose ndipo vinthu vyose vikupereka uchandami kwa iyo. Ichi ndicho chifukwa chilengiwa chiliriko, kuthuwuska na kukwezga Chiuta Mlengi mweneuyo ndi mweneko wa umoyo na kusungilira vyose, kuvipa nkhongono na kwenerezga kuti vikhare na umoyo. ³ Chiuta mweneuyo wali na nkhongono zose na mazaza na kupwelerera kwa chilengiwa chake wakuwoneka muchilengiwa chose mu mbiri yose.

2

KUBAMBIKIZGA

Fundo zikuruzikuru mwaufupi