Chiuta Dada, Buku la Msambiri

/ 8 1

CHIUTA DADA

Chiuta mu wutatu: Ukuru wa Chiuta Chigaba chakwamba: Ukuru wa Chiuta (Kabiro kake)

CHISAMBIZGO

Rev. Dr. Don L. Davis

Baibulo likuphara pakweru nkhanira kuti Chiuta njumoza pera (the Shema, Marango gha Chibiri 6.4), kweniso likukhozga kuti uChiuta wa Chiuta ba Dada, Mwana, na Mzimu Mtuba ngwa unenesko. Chisambizgo cha utatu wa Chiuta ntchakufumira pakuzomerezga na kupokelera umo Baibulo likusambizgira pa umoza wa Chiuta, kweniso, kukhozga ivyo likusambizga pakabiro ka wunthu wa Chiuta Dada, Mwana na Mzimu Mtuba. Ulato withu pa chisambizgo ichi, Ukuru wa Chiuta, ngwakuti mumanye kuwona kuti: • Chisambizgo cha utatu wa Chiuta ukufumira muchisambizgo cha Baibulo pa wunthu wa Chiuta. • Baibulo likuzomerezga kuti Chiuta njumoza pera, ndipo kulijeso munyake padera pa iyo. Kweniso likuzomerezga kuti Chiuta yumoza uyu wakujivumbura kuba Chiuta Dada, Mwana, na Mzimu Mtuba. • Mu wutatu uwu (Dada, Mwana na Mzimu Mtuba) wali yose wakuchita mlimo wa Chiuta ndipo wose bakuchemeka Chiuta, bali na mazaza nga ndi Chiuta. • Baibulo likukhozgera kuti umoza na utatu wa Chiuta (mwa Chiuta yumoza muli wutatu) Chiuta Dada, Mwana na Mzimu Mtuba pamoza ndi Chiuta yumoza. • Mpingo wa Chiuta wayezga kulongora utatu mwa Chiuta yumoza kwakuyana na umo Mpingo wakhara ukupulikiskira Baibulo na kasambizgiro kake. Nanga wuli vili ntheura, bakupulikana bapulikiska mutu uwu mwakupambanapambana. • Tikwenera kuzomerezga kuti kabiro ka wutatu wa Chiuta, nanga wuli muwutatu uwu ndi Chiuta yumo, bakumabana mukachitiro, bakuyana waka, wose pamoza nga ndi Dada, Mwana na Mzimu Mtuba, mbamoza ndipo ndi Chiuta yumoza pera.

Chigawa chakwamba: Chisambizgo mwawufupi

3