Chiuta Dada, Buku la Msambizgi

/ 2 0 5

CHIUTA DADA

Kukoreska chipulikano kuruska chisopo (Mwakulutirizga)

Chikhristu chakwenelera chikwenera kususka na kukana kaghanaghaniro kamtundu uwu na kususka midauko na maluso ghantheura agha na kovwira banthu kuti bafumeko na kusinthika mukaghanaghaniro na kachitiro kawo.

Bakukoreska Midauko

Kudumbirana kuli kose kwa mutu uwu kukwenera kulabiska umo vinthu viliri mumidauko ya banthu mu midauko yakupambanapambana. Ndikuti, ise tikusambizga kukoleranako kwa chikhristu na midauko, tikwenera kulabiska umo tingavwilira banthu kusopo mumidauko yawo kwambura kunjira mukwananga kwakususkana na Baibulo. Suzgo ndakuti banthu awo bakutebetera pakati pa banthu na khumbiro lakuti basope mukabiro kawo bakusuzgika chifukwa banthu awo bapukwika bakutondeka kuwona nkharo, kabiro, na midauko yawo kuba yakupokelereka muchisopo. Banthu banandi bakuwona kuti kusopa kweneko ndi usange munthu wakusopa mukabiro ka bazungu. Aka ndiko kazgoka kabiro ka chisopo kabanthu banandi ndipo bakukhumba chara kusinthika. Balongozgi ba mipingo yinandi yantheura iyi bachali bandawonepo mpingo uwo ukuzomerezga chisopo chantheura ichi ndicho chifukwa chikuba chakusuzga kuti basinthe. Ndipo usange bangalangurukirapo kasopero kantheura aka, bangakhumba chara kuti basinthe chifukwa bali kuzgobera kusopa mwanthera. Ku banthu banandi, suzgo ndakopa kutaya maudindo ghawo chifukwa bakusungilira chisopo icho chikizga na bazungu. Bakopaso banyawo awo bakuwona kuti kusopa nkhwenekura pera kwambura kusazgirako midauko na maluso ghawo. Tikwenera kusambira, mwantheura, kuti midauko na kabiro kabanthu nkhwakwenelera pachisopo chifukwa kakovwira kupereka uthenga mwakwenelera na munthowa yakupulikikwa makora. Vyose ivi kuti vichitike makora pakukhumbikwa kuzizipizga na kujipa nyengo yakuti banthu bapulikiske na kupokelera visambizgo vya kasopero aka.

Kopa kusazizga

Suzgo likuru chomene ku banthu banandi, chomenemene ku awo bali kupokera masambiro gha vya Chiuta (theology) ndi wofi wakuti banganjizga maluso ghambura kwenelera muchisopo. Bakopa kuti usange bafumengeko ku chikhristu