Chiuta Dada, Buku la Msambizgi

2 0 6 /

CHIUTA DADA

Kukoreska chipulikano kuruska chisopo (Mwakulutirizga)

icho chili kwiza na bazungu bambenge kusopa mwambura kwenelera. Kwakuyana na balongozgi bantheura aba, chisopo ntchenechira icho chikiza na bazungu. Pali nthowa zibiri izo zinganjizga chisazga muchisopo: kunjizga muchisopo maluso gha banthu awo bakupokelera zivangeli na kukanilira muchisopo icho chili kwiza na bazungu kwambura kuchisintha. Chakuti timanye ntchakuti kasopero ako kali kwiza na bazungu nkhakusazgikana na maluso na kabiro ka bazungu, midauko yawo, nkharo na kasopero ka kukwawo na ndondomeko zawo na zawo. Pachifukwa ichi, kasopero aka nako kakukhumbikwa kuti Mzimu Mtuba watorepo lwande. Icho tikwenera kumanya ntchakuti kasopero kanandi kali kufumira kuwaro ndipo kali kuchichizgikira pa banthu bawo bakupokelera chisopo. Bakuchichizgika kupharazga munthowa ya bazungu, kimbiro kachizungu na kavwaliro kachizungu mukusopa kwawo. Ntchipusu chomene kumalizga makani agha nakuyowoya kuti chikhristu icho chikurongoreka kusazizga na kasopero ka bene kaya ntchambura mapokelereko kuruska icho chili kukhalilira mukasopero ka bazungu nga ndi umo bali kwizira nacho. Kwene maluso gha bazungu ghali kutari chomene na umo Baibulo likusambizgia kuruska maluso gha banth banji wose. Chisopo chikunangika chomene usange banthu bakughanaghana kuti chisopo cheneko ndi icho chikufumira kubazungu pera kuruska chakusazga na maluso, midauko na kabiro kawo. Chisopo kutondeka kupereka uthenga wa chiponosko kukuba kwakutondeka chomene usange banthu bakutondeka kunjizgamo maluso, midauko, nkharo na kasopero kawo muchisopo. Usange banthu bakuwona kuti kasopero kawo nkhambura kwenelera kwene kabazungu ndiko, apa ndipo pakuba jando la masuzgo. Kwene, tikwenera kughaghanira makani gha chisazga. Kasi ndi chinthu icho tingachikanizgirathu? Unenesko ngwakuti, tingakanizgirathu chara. Ivi ndi vinthu ivyo tikwenera kumanya kuti vikwenedezgana na chisopo. Pose apo pali kutondeka kupulikiska kufumira kubanthu pakwenera kuba chisazga muchisopo. Chisazga ichi chili mukasopero kose na muvisopo vya mtundu wuli wose. Mlimo withu ngwakovwira banthu kuti bamanye kutoramo viweme na vyakwenelera kufumira mumidauko, maluso, kasopero kamtundu wuli wose na kupanga chisopo kuba chakufikapo pakupereka uthenga wa chiponosko kubanthu. Pose apo tikopa chinthu chili chose icho ntchakwenelera kuchitika, tikujinjizga muwuzga. Nkhukumbukira mazgu gha mtebeti yunji ghakuti, “apo nkhareka kughanaghana za chisazga muchisopo ndipo nkhawona kuti nkhwambura machitiko kuwuskako chisazga ndipo nkhwambura machitikoso kusopa kwambura kuchita ntheura.” Chisambizgo kuwose awo bakulongozga na kuphara