Chiuta Dada, Buku la Msambizgi

/ 2 0 7

CHIUTA DADA

Kukoreska chipulikano kuruska chisopo (Mwakulutirizga)

kubanthu chisopo, ntchakuti, baleke kopa chisazga chifukwa ndimo chisopo chikwenera kubira. Mukwenera kuchitora ngati ntchinthu chakwambirapo kusopa ndipo usange pakukhumbikwa kusintha, mukwenera kuchita ntheura apo chisopo chikwenda na kuruta munthazi.

Kusungilira midauko ya chisopo na chisazga

Munyengo zajumphapo, wose awo bakapokelera chikhristu bakhara bakusungilira chisopo chawo kwakuyana na umo bali kuchipokelera. Nga ndi umo bakachitiranga bakhristu ba mtundu wa chiYuda awo bakasuskana na Paulosi chifukwa chakuti wakapereka wanangwa ku bakhristu bamtundu. Bakhristu bachiYuda bakakhmbanga kuti bakhristu bamtundu bapokere chikhristu mwakusazga na midauko ya chiYuda. Umu ndimoso bakhristu ba Geremani, Amereka na muvyaru vinji vya kuwaro kwa Africa bakhumbira kuti bina Africa bakwenera kupokelera chikhristu. Bakukhumba kuti bina Africa basopenge nga ndi umo iwo bakuchitira kwambura kusazgako maluso, midauko, na nkharo yawo. Mwantheura, chipulikano chithu chawoneka ngati ntchinthu chakujinthika mumaluso, midauko na ndondomeko za kufumira muvipulikano vya kufumira kubapapi bithu. Mivilimika vyajumpha, kwawoneka kuti chikhristu ntchisopo chabazungu icho chikulutilira kwenda nga ndi umo bikizira nacho ku vyaru vyakupambanapambana. Wose awo bali kuzgokera ku chikhristu, bakawonekanga ngati mbanthu awo bali kugarukira maluso na midauko yawo na kutora maluso ghakasopero kakuwaro. Banthu bantheura bakutoreka kuti mbakuzgokera na kugarukira fuko lawo. Usange chisopo chithu ntchisopo waka chambura chipulikano cha unenesko, iko ntchinthu icho chingatoreka kwambura kusinthika kuti chiyane na umo banthu bakuchitira ndipo chikuwoneka kuba chipharizgano na visopo vinyake. Ndipo ntchakutondeka chifukwa chili kwiza waka kuzakanjira mumalo mwa visopo vinyake, icho ntchinthu chambura machitiko. Unenesko ngwakuti chikhristu kuti ndi maluso na midauko pera chara kweni chisopo icho chikufumira mu Baibulo ndipo chikupereka mwabi kubanthu kuchitora na kuchinjizgamo kabiro na kachitiro kawo mwakuti chibe cha chanduro. Usange chisopo chachita kubwerekeka kufuma kunyake, ndikuti vyose ivyo vikuchitika vikweneraso kubwerekeka. Mwachiyelezgero, chisilamu, chikukhumba kuti banthu bachitenge nga ndi umo bakuchitira kose kose kwambura kusinthapo kasli kose. Banthu bakwenera kurutanga ku charu cha Mecca, pakusopa