Chiuta Dada, Buku la Msambizgi

2 0 8 /

CHIUTA DADA

Kukoreska chipulikano kuruska chisopo (Mwakulutirizga)

balabiskenge ku Mecca, bakweneraso kubaza Quoran lakulembeka mu chi Arab kwambura kutanthawulira. Mwakuyanaso chiyuda, chihindu na chikhristu icho chili kujinthika mumaluso na midauko ya banthu awo biza nacho. Vyose ivi ndi visopo. Chikhristu chakufumira mu Baibulo chikukhumba kali kose kantheura kaka chara. Chikhristu chikuzomerezga banthu kusopa nga ndi umo bangapulikiskira, ndicho chifukwa chikuwoneka kuti ntchisopo chabazungu chifukwa chili kuzomerezga kusintha na kutora kabiro ka banthu awo bachipokelera. Chisilamu na visopo vinji vikuzomerezga ivi chara. Yose uyo wazomera chisopo ichi wakwenera kuzomeraso kuchita nga ndi umo bakuchitira awo bali kwambiska na kurondezga vyose kwambura kusinthapo kali kose. Chikhristu chenekoneko cha mu Baibulo chikuzomerezga kuti chipulikikwe kwakuyana na umo banthu awo bachipokelera, mumidauko na mukabiro kawo. Uthenga ukwenera kupokelereka kwakuyana na Midauko na Maluso ghabanthu mwakuti chisopo chipokelereke makora na banthu. Nkhugomezga kuti chikhristu chili na ulato wakujintha chisopo muchipulikano kuluska kurondezga midauko, mwantheura ntchakupambana na visopo vyose. Visopo vili kujinthika pa maluso agho banth bakwenera kutolerapo ndipo vyakutolera ndi vinthu vyakuwoneka waka kuwaro. Chikhristu chikuzomerezga kusinthika na kwendera lumoza na kasopero ka banthu. Pachifukwa ichi, chikhristu chikuzomerezga maluso na midauko yakwenelera na ulato wakupereka uthenga mwakwenelera na mwakufikapo. Suzgo ndaukuti banji bali kuchivwalika chikhristu nkharo, maluso na midauko yawo na kuchichizga banthu awo bakupokelera uthenga kuchita nga ndi umo iwo bakuchitira kukwawo...