Chiuta Dada, Buku la Msambizgi

2 1 2 /

CHIUTA DADA

Chisazga pakati pa Chisilamu, Chihindu na chibudah (Mwakulutirizga)

likamunjizga mukupenjerezga na kurondezga kasopero aka ndipo pa umaliro wakalemba buku ilo likurongora umo ba Hindu na ba Silamu bakumusopera Yesu kwambura kumanyikwa kucharu. Hoefer wakasanga kuti banthu banandi ba mumbumba izi, awo kuti bakabapatizika chara ndipo kuti bakanjira mumpingo wuli wose wa chikhristu chara, bakasopanga mumzimu na muwunenesko ndipo bali na ubare wakwenelera na wakufikapo na Yesu Khristu, bakubazga Baibulo na kuromba nyengo zose. Hoefer wakuyowoya kuti banandi ba iwo bakukhumba kubapatizika, kwene kutiwona kuti kubapatizika kupangiskenge kuti bapenje mpingo wakuti banjiremo. Pakumalizga makani agha, Hoefer wali kusanga kuti mu sukulu za basilamu na bahindu muli bakupulikana na Yesu 200,000 ndipo bakumusopa Yesu mzimu na muwunenesko ndipo bakuyana waka na awo bakujitya bakhristu awo bali musumba wose. Ntchakwenelera kumanya kuti muvilimika 200 ivyo vyajumphapo, William Carey wakayowoya na z aba Hindu awo bakumurondezga Yesu kuti mbakhristu bachihindu. Ichi chikaba chifukwa chakukoleranako uko kukaba mumaghanoghano gha banthu ba ku India awo bakaba bachisopo cha chihindu (lizgu lakuti India likufumira ku lizgu lakuti Hindia, charu cha ba Hindu). Chisopo cha chihindu chikuzomerezga banthu kusopa bachiuta banandinandi waka na bachiuta banakazi. Kukuwoneka kuti kabiro aka kakupereka mwabi kubanthu wakusopa Chiuta wa mu Baibulo pakuba Chiuta waunenesko ndipo iyo pera (wonani kayowoyero ka Yoshuwa mu buku lake pa 24:14-15). Muvilimika vya kwambilira kwa 1900, mupharazgi munyake wa chi India zina lake Sadhu Sundar Singh wakakumana na bakhristu bakumurondezga Yesu pakati pa ba Hindu mwakabisira. Apo wakamba kubapharazgira, banthu banji bakamphalira na za munthu munayake wa chi Hindu uyo wakaba mtuba mtima chomene mweneuyo wakapharazganga uthenga wakuyana waka na uwo iyo wakapharazganga. Singh waruta kunyumba kwake kwa munthu uyu. Mukuchezga kwawo, wakaphalirika kuti urongozgi wake wa chi Hindu wuli kwamba na mupostole wa Yesu, Thomas, ndipo wakaba na bakumurondezga 40,000. Singh wakawona na umo bakusopera (mwakusazgirapo malurombo, ubapatizo, na monesko) ivyo vikachitikiranga mumalo ghakuwoneka nga ndi umo nyumba zakusoperamo za chi Hindu zikuwonekera. Apo Sundar wakayezga kubasoka kuti bazomere Yesu pakweru, bakamuphalira kuti mlimo bakuchita ngwakwenelera na wachanduro chomene kuruska ivyo iye wakughanaghana. Bakamuphalira kuti katebetero kawo kakubisirizga nkhakwenelera chomene kuruska kuwoneskera pakweru uko iyo wakasachizganga (Davey 1950:80) [ sic ].