Chiuta Dada, Buku la Msambizgi

/ 2 1 3

CHIUTA DADA

Chisazga pakati pa Chisilamu, Chihindu na chibudah (Mwakulutirizga)

Mwasonosono waka apa, tikakumana na doda linyake likapharilanga banthu ba chisopo cha Buddha, ndipo banthu aba bakaba bakusazga chisopo na midauko yawo. Icho chikanizizika ntchakuti munthu uyu wakatora luso lakusazga chikhristu na midauko na kutoraso luso lakunjizga chikhristu mukati muchisopo cha Buddah. Pakawoneka kuti pali banthu banandi ba chi Buddahd awo mba chi Buddaha pakawiro waka kwene umoyo wawo wose wuli muchikhristu. Nga ndi umo Kraft wakuyowoyera (1996:212-213), usange banthu bambako kuzomera kuba icho bakuwoneka kuwaro kwambura kuchitolera kuba umo baliri mukati, timanyenge kufiska uthenga uweme wachiponosko ku banthu banandi. Timanyenge kutebeteska makora midauko ya banthu apo tikubatolera ku chikhristu nanga wuli bali mukabiro kawo kamtundu wawo. Mubuku lake Kraft wakulongosora kuti mukhristu ndi munthu mweneuyo wakumrondezga Yesu kwakuruska mweneuyo wakuchemeka waka zina. Kasi makani ghose agha ghakutirongozgera kochi? Kasi mulije kusopa vikozgo muchisopo cha chihindu? Enya kusopa vikozgo kuliko muchisopo ichi, kwene kuti awo bakumurondezga Khristu bakuchita nawo ivi chara, nga ndi umo bakuyowoyera Hoefer na Davey. Kasi basilamu bakukana chara kuti Yesu wakafwa pamphinjika? Enya bakukana, kwene basilamu awo bali kupereka umoyo wawo mwa Khristu chara. Kasi mbunenesko chara kuti baYuda bakukana kuti Mesiya wali kwiza kare? Enya bakukana kwene pali baYuda banandi chomene awo bakuzomera kuti Yesu ndiyo ndi Mesiya mweneuyo wakayowoyeka na baprofeti kuti wizenge, mwana wa Davide. Tikuwona kuti Chiuta wakuchita chinthu chipya apo wakufikira banthu awo balikukakika na visopo vyakupambanapambana. Usange Bosch wakaneneskanga pakuyowoya kuti chipulikano mwa Yesu kuli kujinthika mumtundu wachisopo chara iko mbunenesko kuyowoya kuti Khristu mweneko wakunjira mukati mwa banthu na kubwangandura vigomezgo vyawo. Banthu awo bakumumanya Yesu bakukhalilira mukati mwa banthu awo bakusopa visopo vyakupambana na chikhristu, ndipo bakukharamo nga ndi sungo liweme lakunukhira makora pakati pa bamtundu. Mpingo wa Khristu ukukura kufumira mubanthu awo bali mukati kwambura kumanyikwa kwene bakutebeta mwakukuzga chipulikano chawo. Ndondomeko yikuwoneka yakutimbanizgika kwene njakwandura ndiposo tilije icho tingachita kuwezgera nyuma mlimo uwu. Usange tikuwona chipulikano cha banthu na midauko ya banthu nga ndi umo tikuwonera khuni limoza ilo lili na misis na minthavi yake, tingamanya kuwona mwakurutizga na kujumpha pa visopo na kuwona wumba wa banthu awo bakunwekera na kukhumba