Chiuta Dada, Buku la Msambizgi

2 1 8 /

CHIUTA DADA

NDONDOMEKO 31 Mlimo wakutumika mu vilimika vya mu 21st century Kutebeta na banthu ba vyakuchitikachitika Rebecca Lewis Makani agha ghali kufumira mu buku la Mission Frontiers: The Bulletin of the US Center for World Mission, Vol. 27, No. 5; September-October 2005; ISSN 0889-9436. Copyright 2005 by the U.S. Center for World Mission, mwakuzomerezgeka na beneko. Mazaza ghose ghali na beneko. Unonono wuli apa: suzgo nkhwambiska utebeti wakwambira mukati mwa banthu awo mbakukana kupokelera chisopo chinyake. Usange tikukhumba kufikira banthu bantheura aba, tikwenera kwamba na kurondezga banthu awo bali kale mumawupu, awo bakukhara kale pamoza. Banthu bakwenera kufumiskikamo mu midauko yawo chara mwakuti babe bakupulikana. Kwene tibazomerezge kusopa mukabiro na mumaluso ghawo, kwene tibarongozgere kwa Yesu. Chiuta wakujura mafuko na mbumba za banthu kwizira mu wupu agho ghakufikira banthu na uthenga wachiponosko. Chakuzirwa chomene ntchakuleka kuparanya makhaliro na midauko ya banthu pakubachichizga kurondezga midauko ya chilendo. Mumbiri ya vyaru vinandi, nthowa iyo yiziska kusinthika kwa vigaba vinandi, ndi boma, panji mabizinesi gha banthu chara kwene nkhukhumba na kutorapo lwande kwa bene chikaya (“citizen sector” or “civil society”). Makani ngakuti banthu bene chikaya bakukoleranako mawoko na kukwezga chigaba chawo pa iwo bekha. Ivi vikachitika chomene munyengo ya chiwuska nkhumbi chikuru icho chikachitika munyengo ya John Wesley mu nyengo za 18th century. Kufumira muchiwuska nkhumbi ichi, na munyengo ya chiwuska nkhumbi chachibiri mu vilimika vya kukwambilira kwa 19th century, kukiza banthu banandi awo bakajipereka, kufumira mumipingo yakupambanapambana, na mawupu ghakupambanapambana.” Bakaba banthu awo bakaba mumilimo yakupambanapambana, mabiziness, sukulu na baliska. Wose bakatorapo lwande kusintha vigaba vyawo pakuchita milimo yakulekanalekana, kwambira pa kumazga wuzga, kwambiska chisopo, kwambiska sukulu na ulato wakupereka masambiro ku bana. Nasono wuwo nthowa iyi yingavwira kupereka uthenga wa chiponosko na kupere chitukuko ku banthu awo bandafikirike na uthenga wa chiponosko uwu. Kuno kulero miryango njakujurika muvyaru vinandi ku banthu awo bangambiska kumazga masuzgo kufumira ku banthu awo mbapasi. Munyengo ya kwambilira kwa vilimika vya 1990 chiberengero mawupu ghakutebeta milimo yakuwuskira muchanya umoyo wa banthu chikakwera kufuma pa 6000 kufika pa 26,000, kukwera mwakujumpha 400%. Kweniso, mawupu ghanandi ghali kupangika

Rebecca Lewis wakatora vilimika 8 mu charu cha Morocco pakupanda mipingo ndipo sono wakovwira pakuremba visambizgo vya banthu awo bakukhumba kuya katebeta pakati pa banthu ba mtundu mukubarongozgera kukuchita khumbiro la Chiuta.