Chiuta Dada, Buku la Msambizgi

/ 2 1 9

CHIUTA DADA

Mlimo wakutumika mu vilimika vya mu 21st century (Mwakulutirizga)

muvyaru vya ivyo ndi vya bazungu chara. Kasi ntchivichi icho chapangiska kuti mawupu agha ghakwere? Chakwamba, kuwa kwa wupu wa muwuso wa Soviet Union, kukapangiska kuti maboma ghanandi ghambe kuwunjika chuma chawo pabekha. Chachibiri, mawupu ghakukwezga umoyo wa banthu agho ghakamba kutebeta pamoza na banthu muvikaya vyawo pakumazga masuzgo agho banthu bakakumananga nawo. Chachitatu, maboma ghanandi ghakuzomerezga kupereka mwabi kumawupu agho nga boma chara pakutebeta pamoza nawo mukukwezga umoyo wa banthu. Ivi vyachitika chifukwa chakuti mawupu ghanandi gha Ivangeli la Chiuta ghatorapo lwande pakukuzga umoyo wa banthu munthowa zakupambanapambana. Chachinayi, pali khumbiro likuru chomene pakusintha umoyo wa banthu. Ivi vyachitika chifukwa chakuti charu chajurika ndipo banthu bakwenda kuli kose kuya katebeta milimo yakupambanapambana. Banthu bamuvyaru vymbura kutukuka bajurika kumaso chifukwa cha mwabi uwo wulipo wakwenda mwawupusu kuya kafika kuli kose uko bangakhumba. Uthenga ukwenda mwawupusu chomene, pachifukwa ichi banthu bakusambira kuchita vinthu mwawupusu chomene. Kumazga masuzgo kwazgoka kupusu chomene. Usange ulato withu ngwakufikira banthu na uthenga wa chiponosko kwizira munthowa yakwambira mukati, tikwenera kutebeteska mawupu gha chikhristu ghakupambanapambana. Apo tikovwira banthu kukwezga umoyo wawo tingabafikiraso na uthenga wachiponosko. Nga ndi umo Yesu wakachitira pa kuchizga banthu kumatenda na kubapa chiponosko ku uzimu wawo, nase ndimo tingachitira pakwiza na milimo yakukwezga umoyo wawo na kubapa uthenga wa chiponosko. Makani agha tingalutirizga kughasambira kwizira mubuku la David Bornstein, How to Change the World: Social Entrepreneurs and the Power of New Ideas (Oxford University Press, 2003).