Chiuta Dada, Buku la Msambizgi

/ 2 7 3

CHIUTA DADA

Vyakwambilira (Prolegomena) Chisambizgo cha Chiuta na kutandazgika kwa Ufumu wake

Vyakulemba vyamsambizgi 1

Tampokererani ku visambizgo va msambizgi vya chisambizgo chakwamba, Vyakwambilira (Prolegomena): Chisambizgo cha Chiuta na kutandazgika kwa Ufumu wake. Chakuzirwa chomene cha chisambizgo cha Chiuta Dada nkhovwira basambiri binu kuti basange umanyi pa fundo zikuruzikuru zakukhwaska chisambizgo cha Chiuta Dada wa nkhongono zose. Ulato wa masambiro agha kuti kusura nkhwantha chara, kwene kuchiska basambiri binu kupenjerezga Fumu kwakuyana na unenesko uwo wuli mu Mazgu gha Chiuta. Chonde yezeskani muchisambizgo chose ichi kuti mupambaniske pakati pa umanyi kumumanya Chiuta na kupulikana na Yesu mwa chipulikano. Umanyi uwo ukufumira mumabuku wuli na malo ghake, kwene ungatindibizgiranga pasi umanyi uwo ukupereka chiponosko chara nakutiso Mazgu gha Chiuta ghaliko kuzuzga umoyo wa wali yose uyo wakumpenja Chiuta mwakuti wamanye kwenda makora na Chiuta, ndipo kwizira mukwenda na Chiuta uyu, babe banthu bakusoreka mwakuti kwizira mwa iwo Chiuta watebeteremo. Ichi ndicho chitumbiko chikuru chomene usange banthu bakubikapo mtima pakusanda na kusambira umo Fumu yiliri na machitiro ghake. Kuchenjezga uku kuti kuliko kuti tileke kumutemwa Chiuta na mtima withu wose na maghanoghano ghithu wose chara (cf. Marango gha Chibiri 6. 4-6), kwene kuti tichenjezgane kuti umanyi ukupereka kujitukumura kwene chitemwa chikuzenga (1 Bakorinto 8. 1). Chiuta wamutumbikeni apo mukurongozgera basambiri binu kukusambira na kusanga umanyi wa Chiuta mukuru na wa nkhongono zose! Chonde woneseskani kuti mwarondezga makora ulato wa chisambizgo muchisambizgo chili chose chifukwa ichi ntchigaba chakukhumbikwa chomene muchisambizgo chili chose. Ulato ndiwo ukupereka ching’anamuro pa milimo yili yose muchisambizgo chili chose. Mwachigomezgo, musangenge kuti ulato wuli kulembeka na kurongosoreka makora muchisambizgo chili chose. Ulato ndiwo umurongozgeninge pa chili chose icho muchitenge munyengo ya visambizgo. Woneseskani kuti mukudidimizga ulato wa visambizgo ivi nyengo zose apo mukusambizga. Yezeskani kuti basambiri bapulikiske makora ulato wachisambizgo chilli chose. Werezganingipo pose apo mukusambizga mwakuti kupulikiska kubepo.

 1 Peji 15 Jando

 2 Peji 15 Ulato wa Chisambizgo