Chiuta Dada, Buku la Msambizgi

2 7 4 /

CHIUTA DADA

Tiwerezgeso kunena kuti, chigaba ichi chikuphara mwawufupi ulato wa vigaba vyose, mwakurongora fundo zikuruzikuru izo zili muchisambizgo na kupereka chigaba na chigaba cha mutu wa chisambizgo. Muvili vyose ivyo mukuchitia, yezgani kusanga nthowa zakupangira ulato uwu kuti wupulikikwe na kuwonekera makora kubasambiri binu. Didimizgani fundo izi kubasambiri binu, mwakuti bapulikiske ivyo bakusambira. Chigaba chakujipereka chikudidimizga na kukhozgera ukaboni wa mu Baibulo uwo ukunena kuti kuchanya na pasi vikuchitira kukaboni ubapo wa Chiuta Dada. Chilengiwa nacho chikupereka ukaboni wa ubapo wa Chiuta Dada. Chilengiwa chikuperekaso ukaboni na chenjezgo ku awo bakukana kuti Chiuta waliko. Fundo yakuti Chiuta wakukana kujikhizga na kujinjizga mumphindano na banthu pa ubapo wake yikuwonekerathu na kudidimizgika muchisambizgo ichi. Tikusambira umanyi wa Chiuta na ulato wakumuyezga Chiuta chara, kweni kuti tizomerezge kukhumbikwa kwake pa umoyo withu nga ndi Mlengi na Fumu yithu. Fundo yakuti Chiuta wakuvikilira yekha kuchilengiwa chake ndi fundo yakupulikikwa na yapakweru mu Baibulo. Nga ndi Fumu na Mlengi, vinthu vyose ndi vyake ndipo ise nase tili bane. Kujikhizga kukwenera kuwusa chigaba chili chose icho tikuchita mukusambira kwithu apo tikupenjerezga kumumanya Chiuta Fumu yithu. Masalimo 24.1-2 - Charu cha pasi na vyose ivyo vilimo ndi vya Fumu, charu na awo akukhara mwenemumo ndi vyakhe. 2Chifukwa iyo ndiyo wakachikhazika pa zinyanja, na kuchikhozga pa mironga yikuru. Marango gha Chibiri 10.14 – 4 Kuchanya na vyose ivyo vili kwenekura ndi vya Fumu, Chiuta winu nanga ndi charu cha pasi na vyose ivyo vili mwenemumo. 1 Midauko. 29.11 - Mwe Fumu, ukuru ndiwo ngwinu na nkhongono na uchindami, na kuvivya ndiposo na ufumunkhuru. Pakuti vyose vya kuchanya na vya mu charu nvyinu. Mwe Fumu, winu ndi ufumu, Yobe 41.11 - Ndi njani uyo wangimikana nayo na kumutonda? Kulije nanga njumoza kusi ku mtambo.

 3 Peji 15 Ulato wa chisambizgo

 4 Peji 15 Kujipereka