Chiuta Dada, Buku la Msambizgi

/ 2 7 7

CHIUTA DADA

kwendamo mu ivyo basambira mwakuti bakhazikike na kupulikiska makora ivyo basambira.

Kovwira basambiri binu kupulikiska umaliro wakaghanaghaniro ka munthu pakukhumba kumupulikiska Chiuta ntchimoza mwavinthu vyakuzirwa chomene pamasambiro agha. Tikusambira vinandi chomene kufumira mu nkhwantha zakare. Tili na vyakuyowoya ivyo bakayowoya bapapi muchipulikano cha chikhristu, Anselm, mweneuyo wakaba Bishop wa mpingo muchilimika cha the 11th century, uyo fundo zake pa makani ghakutalikira kwa Chiuta ku chilengiwa kukamovwira kupanga fundo zakukoreka makora chomene pakusambira kabiro ka Chiuta Dada wa nkhongono zose. Vyakuyowoya vyose ivi vikudidimizga kukhumbikwa kwa musambiri wa Mazgu gha Chiuta kuba wakujikhizga; kukukhumbikwa kupenja kupulikiska chara kuti ugomezge kwene kuti munthu wagomezge ndipo wuti upulikiskenge . Kuti nkhuyezga chara, Fumu, kunjilira mu uchindami winu, chifukwa kupulikiska kwane kuti nkhwakufikapo chara. Kweni nkhukhumbisiska kupulikiska unenesko winu, weneuwo mtima wane ukupulikana nawo na kuwutemwa. Kuti nkhupenjerezga kuti ndi pulikiske dankha mwakuti ndigomezge chara kwene nkhugomezga mwakuti ndipulikiske chifukwa ndipekhapekha usange ndagomezga ndipo ndingamanya kupulikiska. ~ Anselm. Proslogion 1 Ndondomeko yakwenelera njakupulikana na vinthu vyamuchindindi vya Chiuta pambere tindambe kupenjerezga kupulikiska. Kwene suzgo lithu nkhusurako, apo tiza pachipulikano chankhongono na chakukhora tikukhumba chara kupulikiska ivyo tagomezga. Mwa uchizi wa Chiuta, nkhujipima ine ndamwene kuba wakukhumbisiska kukoreska chiponosko chithu mwakuti pose apo nkureka kupulikiska, pabevye chili chose icho chingandisunkhunya chipulikano chane. Chonde badada Chiuta ndirongorani, nga ndi umo mukumanyira, nga ndi umo banandi bakupenjerezgera kumanya makora fundo iyi: kasi ntchifukwa wuli Chiuta mweneuyo ndi wa nkhongono zose wali kutora kabiro ka wunthu na kunjiramo mwakuti wawunozge mukutomboroka kwaek? ~ Anselm. Cur Deus Homo (Boso to Anselm) 1:2

 9 Peji 27 Chigaba chachibiri