Chiuta Dada, Buku la Msambizgi

2 7 8 /

CHIUTA DADA

Chigaba ichi ntchakuzirwa chomene pachifukwa chakuti chikulongora na kuphara mwawufupi visambizgo vyose ivyo vasambizgika muchisambizgo chithu chose. Unenesko uwu wose ukwimira lufura ulo basambiri bakwenera kwimapo na kukoreska nga ndi umo basambilira, kusanda na kubazga kufumira mubuku lawo. Usange mukukhumba kuweleramo na basambiri binu ivyo basambira, ichi ndicho ntchigaba icho mukwenera kwendamo nawo. Woneseskani kuti fundo izi zadumbika na kughanaghanirika makora pakuti vilingwa vyawo vikufumira mufundo zenezizi. Chimoza mwa vyakuzirwa chomene ivyo basambiri bakwenera kuchita, nkhutorapo lwande pa ivyo basambira. Kutebeteska ivyo basambira kukukhumbikwa kuti babe na khumbiro na kunwekera kubabikizga ivyo basambira na utebeti wawo. Mwawupusu, mafumbo ghapachanya chomene agho bangamanya kujifumba kufumira mu ivyo basambira. Ghakuzirwa chomene pano ndi mafumbo agho tabikapo apa chara kweni agho ghakufumira kwa iwo. Bikani nyengo yinu yinandi pakupereka mwabi kubasambiri binu mwakuti bamanye kudumbirana na kubika pakweru ivyo bandapulikiske, ivyo bakukumana navyo mukutebeta kwawo na ivyo bakughanaghana kukachita. Chakukhumbikwa chomene nkhubarongozga umo bamkuchitira na ivyo basambira. Nkhani za chiyelezgero zikufumira mu vinthu ivyo banthu bakukumana navyo mukutebeta kwawo ndipo vikurongora vinthu ivyo basambiri binu bamkumana navyo apo bakutebeta. Chakuzirwa chomene ntchakuti ndi vinthu ivyo vikufumira mukusambira kwawo chara kweni mu ivyo bakukumana navyo. Nanga wuli ndi vinthu ivyo vikufumira mukwenda kwawo mucharu na mukutebeta kwawo, kwakuyana na kapulikiskiro kawo ka chipulikano, khumbiro la visambizgo ivi ndakuti banthu bakhare na umanyi, vinjeru pakutebeteska unenesko uwo basambira. Mlimo winu nga ndi msambizgi pa nkhani za chiyelezgero ngwakovwira basambiri binu kuti basange nthowa izo batebeteskera ivyo basambira. Bazomerezgani kusanga apo bangatebeskera ivyo basambira. Ulato wa chigaba ichi ngwakovwira basambiri kuti bayambe kughanaghana na kuchita vinthu nga mbarongozgi. Bakwenera kuba bakujurika kupokera kufumira kwa Chiuta na bakukhumba kuchita makora apo bakutebeteskeka na Chiuta.

 10 Peji 36 Fundo zikuruzikuri mwawufupi

 11 Peji 38 Kutorapo lwande kwa basambiri

 12 Peji 39 Nkhani za chiyelezgero